Citrapata 294
Citrapaṭa 294
- Language
- Sanskrit
294.p1
dīkṣito na dadāti na juhotītyādiniṣedhasya paryudāsatādhikaraṇam (7)
jyotiṣṭome, 'dīkṣito na dadāti, na juhoti, na pacati' iti śrutam | tatra pratyakṣaśrutagṛhacamasādihomavarjamātideśikacaturavattādihomānāṃ puruṣārthāgnihotrādihomānāñca pratiṣedhaḥ | iti cet -
dīkṣito na juhotīti puruṣārtho niṣiddhyate
kṛtvarthaniṣedhe vikalpāpatteḥ puruṣārthānāmeva niṣedhaḥ | bhinnaviṣayatvācca na vikalpaḥ | homānāṃ puruṣārthatvāt, pratiṣedhasya prakaraṇena kṛtvarthatvāt, syupagamanādipratiṣedhavat | na cādīkṣito'gnihotrādi juhuyāditi paryudāsāśaṅkā, ekavākyatvābhāvāt | vikalpasya pratiṣedhapakṣe'pyabhāve, śrutyarthaparityāge na paryudāsaprayojanābhāvāt | tasmātpratiṣedhaḥ
294.p2
iti dīkṣito na dadāti, na juhoti ityādiniṣedhānāṃ paryudāsatādhikaraṇam || 7