Citrapata 331
Citrapaṭa 331
- Language
- Sanskrit
Contents
- 331.12 — 2 parts
331.357
aiṣṭikeṣvagnyanvādhānānuṣṭhānādhikaraṇam (12)
na prākṛtāvagnyanvādhānamagnidhāraṇamātrārthaṃ, kintu devatāparigrahārthamapi | 'mamāgne varca ityagniṃ parigṛhṇāti, devatā eva pūrveṃburgṛhītvā śvobhūte yajate' iti vacanāt | ataḥ prāyaṇīyādiṣvapi syāt
na syāt | dṛṣṭāgnidhāraṇamātraprayojanasya, adṛṣṭadevatāparigrahārthatvasyārthavādamātrātkalpanāyogāt | tathāpi dīkṣaṇīyayā tatsiddherica | 'āgnāvaiṣṇavamekādaśakapālaṃ nirvapeddīkṣiṣyamāṇo'gniravamo devatānāṃ viṣṇuḥ paramo devatā eva tadubhayato yajamānaḥ parigṛhya dīkṣita' iti śravaṇāt | na ca 'dīkṣāḥ somasya' iti vacanāt pradhānadevatāmātraparigrahārthatvaṃ śaṅkyam—vaiśvadevagrahe sarvāntarbhāvāt | tatra 'agnirvasubhissomo rudrairindro marudbhirvaruṇa ādityairbṛhaspatirviśvedevaiḥ' iti vacanāt samudāyaśaktyakalpanāt avayavaśaktyaivopapatterica | tataḥ prasaṃgasiddhitvādaṅgadevatānāṃ dīkṣaṇīyātirikteṣu na kāryam | tasmāntu devatāparigrahārthatvapakṣe kāryam | tadāha —
grahaṇārthāgnyāhitiścet dīkṣeṣṭau sā paraṃ bhavet
331.12
ityaiṣṭikeṣvagnyanvādhānānuṣṭhānādhikaraṇam
331.12.p1
aiṣṭikeṣu patnīsaṃnahanānuṣṭhānādhikaraṇam (13)
dārśapaurṇamāsikaṃ patnīsaṃnahanaṃ prāyaṇīyādiṣu codakaprāpteḥ kāryam | iti cet —
someṣṭiṣu na kartavyaṃ patnīsaṃnahanaṃ tathā
vāsodhāraṇārthatve—sannaddhayā karma kāryam — ityarthatve vā somārthena 'yoktreṇa patnīṃ dīkṣayati' ityanena prāsaṅgikatvānna kāryaṃ sannahanam
331.12.p2
ityaiṣṭikeṣu patnīsaṃnahanānuṣṭhānādhikaraṇam || 13