Citrapata 34

Citrapaṭa 34

śrutatvātkṛṣṇale pāko nāstyupastaraṇādikam
śruterbhakṣaṇamapyasti bhakṣopahṛtayassaha

brahmotareṣāṃ no bhakṣaḥ bhakṣāttasyāpi kālataḥ
caturdhākṛtinirdeśāvapi tatra na vidyate

ṛtvigdattaṃ bhṛtisteṣāṃ na haviśśeṣabhakṣaṇam
teṣāṃ na satre varaṇaṃ nāpi syāttatra dakṣiṇā

śramanīyo na satrāṅgaṃ tatkuryussatriṇaḥ pṛthak
saṃhatya karaṇe'pi syustadanye tatra ṛtvijaḥ

¹aśvādidānaṃ kāmeṣṭāvadvaikaprayojanam
dveṣyāya dānamapyevamasthiyāgastu jīvatām

lupyate japasaṃskāro ²mṛtasyaiṣa bhavedyadi
kartavyameva tatrāpi śukrānvāraṃbhaṇādikam

guṇakāmāstatra na syussadomānādisaṃśayāḥ
nāyurāśāsta ityādyāḥ ³na ca syurhetṛkāmataḥ

sarvesvārassamāpyasyānmṛte karmāsthiyajñavat
āyurāśāsta ityetat tatra syādyāvadarthavam

ṛtuyājyāvṛtissatre'pyadṛṣṭārthatvato bhavet
nirvāpaḥ pavamāneṣṭau ⁵guṇalopānna labhyate

saṃkhyāmuṣṭivirodhe syānnirvāpe muṣṭilopanam
gorasādhāraṇairdhenutvādyairicchāgo nivartate

sādhāraṇaistu śvetādiguṇairnāsau nivartate
nivṛttiṃ khadiratvādiḥ khale bālyādiṣu vrajet

tasyāṃ na syuśchedanādyāḥ syustu paryūhaṇādayaḥ
prākṛtakramabhede'pi na padārtho nivartate

na prākṛtakramānyatvā ⁶tatpadārthopakṛteṣvapi

iti dvitīyaḥ pādaḥ

Contents