Citrapata 36

Citrapaṭa 36

āditsyādupādānaṃ trikapādādiṣu kramāt

ekatrikakṛtormadhyaṃdina ādye tṛce matam
tasmin dhūrgānamabhyāsaṃpādyaṃ tṛcasaṃśrayam

²daśarātro'hargaṇeṣu madhyamassaṃpravartate
nādyopādānaniyamo mantreṣvādhūnanādiṣu

samāgamena saṃkhyāyāḥ pūraṇaṃ stomavṛddhiṣu
³bhavedetāsu tu bahiṣpavamāneṣvṛgāgamaḥ

āgneyīnāmāgamassyāt sāmidhenīvivṛddhiṣu
ṣoḍaśī prakṛtāveva syādrājanyanimittakaḥ

tadgrahassyādāgrayāṇāt tṛtīyasavane tu saḥ
sa rājanyanimitto'pi bhavet sastutaśastrakaḥ

sakalānāṃ dvirātrāṇāṃ ⁴uttare'hanyayaṃ mataḥ
ahīnasya caturthe'hanyekatraiva bhavedasau

utkṛṣṭyā viṣuvati ¹tvahanyāgrayaṇāgratā
²jagatyāṃ sāma yacca yāt jagatsāma taducyate

³upāgravatyoragratvaṃ saṃsavādiṣu no bhavet
grāhyasvasthāna evaindravāyavaḥ pāṭhalakṣite

guṇakāmādhikāre'pi grāhyasvasthāna eva saḥ
śukrāmaṃthīgrahādestu vidhau syātpratikarṣaṇam

tadaindravāyavātpūrvaṃ kṛṣyate sādanaṃ tathā
grahasādhanakarṣe'pi pradānaṃ naiva kṛṣyate

⁴jyanīkāyāmādito'hnoranimitto'gratāvidhiḥ
vyūḍho vikāro'nīkānāṃ gavye svasthānavṛddhayaḥ

⁵chandovyatikramo vyūḍho mantraikaviṣayo mataḥ

iti pañcamaḥ pādaḥ

Contents