Citrapata 40
Citrapaṭa 40
- Language
- Sanskrit
Contents
- 40.342 — 2 parts
40.335
syāddeśakālakartṝṇāmāgneyādiṣu tantratā
40.336
aṅgānāṃ mukhyadeśādyāḥ syuḥ prayogāṅgabhāvataḥ
darśe ca pūrṇamāsena nāṅgānamasti tantratā
40.337
haviṣyadhvarakalpāyāmapyevaṃ saṃghabhedataḥ
prājāpatye paśugaṇe bhavettantraṃ vasāhutiḥ
40.338
bhinnadeveṣu paśuṣu na sā tantratvamaśnute
bhavedyūpāhutistantraṃ ²yūpaikādaśinīgatā
40.339
apsvevāvabhṛthasya syādaṅgānāmapyanuṣṭitiḥ
aṅgāvṛttirdeśabhedāt pradhāneṣu vihāyayoḥ
40.340
tantreṇaivopakurvanti ³trayo brahmādayastayoḥ
āparāgnikahomānāmāvṛttiḥ kartṛbhedataḥ
40.341
brahmasāmnītyeṣa vidhirālaṃbhotkarṣagocaraḥ
trīṃstrīniti vidhistveṣa syātpaścantaragocaraḥ
40.342
aṅgānāṃ daśapeyābhiṣecanīye na tantratā
niṣkāseneti vāruṇyā na pracārāntare vidhiḥ
40.342.p1
niṣkāsa ityapi tathā naiva karmāntare vidhiḥ
40.342.p2
iti dvitīyaḥ pādaḥ