Citrapata 50
Citrapaṭa 50
- Language
- Sanskrit
50.p1
vaiśvadevādhikaraṇam (11)
vaiśvadevena yajetetyatra prakṛtāgneyādiyāgeṣu āmikṣāyāgavarjaṃ viśvedevā devatā vidhīyante | ānarthakyapratihatinyāyenotpattiśiṣṭairapyagnyādibhirvikalpante | tannāmakakarmavidhau rūpalābhaḥ | devatāviśiṣṭakarmavidhau gauravam | 'aṣṭau havīṃṣi' 'triśatsaṃpadyante' iti liṅgānupapattiśca | prakṛtānuvāde ca vaiyarthyam | na ca prācīnapravaṇadeśasaṃbaṃdhastatphalam ; tathāpi āmikṣāyāgasyaiva pravṛttinimittatvenānuvādāpattyā tasyaiva tatprāpteraṣṭasyapi tadalābhāditi cet
nāma syādvaiśvadevaḥ
aṣṭānāmapi yāgānāṃ liṅgasamavāyāt chatrinyāyena, 'yadviśvedevāssamayanta' ityādivākyaśeṣapradarśitaviśvadevasaṃbaṃdhena tatprakhyanyāyena vā vaiśvadevaśabdo nāma syāt | tena caikābhidhāne naikasamudāyāpattau, 'prācīnapravaṇe vaiśvadevena yajeta' iti vihitadeśasaṃbaṃdhaḥ samastasya siddhyatīti
50.p2
iti vaiśvadevādhikaraṇam || 11