Citrapata 56

Citrapaṭa 56

Language: Sanskrit

56.22 — 2 parts

56.18

mantrādhikaraṇam (8)
mantrāste ye prayogārthamanuṣṭheyābhidhāyakāḥ
vedeṣu mantrabhāgānyo bhāgo brāhmaṇamucyate

56.19

ūhapravaranāmāni mantraikavākyatvāt mantrakāryakaratvācca mantrāḥ iti cet —
ūhapravaranāmāni prapadyante na mantratām
pādabandhavatī ṛk syāt
gītiḥ sāmeti gīyate

56.20

yajurmantrastaditaraḥ
nigado'pi bhavedyajuḥ
yāvatsākāṅkṣamekārthaṃ tāvadekaṃ yajurmatam

56.21

vākyabhedādhikaraṇam (16)
iṣṭevādau na mantraikyaṃ viniyuktyarthabhedataḥ
anuṣaṅgādhikaraṇam (17)
ākāṃkṣayānuṣaṅgasyādyāta ityādike manau

atraiva varṇakāntaram
citpatitvetyādike ca kriyaikatvavaśādvet
atra vidheyaguṇābhāvena tasya samuccayaikaprayojanatvāt | 'citpatistvāpunātvityetaiḥ pratimantram' iti yajñasūtrācca
ityanupajñādhikaraṇam

56.22

vyavetānuṣaṅgādhikaraṇam (18)
sante vāyurvātena gacchatāmityatra saṅgacchatāmiti kriyāpadasya aṅgānīti bahuvacanāntenāyogyatayānvitasya, āśiṣetyanena nānuṣaṅgaḥ | asaṃbandhipadena gacchantāmityadhyāhṛtena vyavadhānāditi tatrāpyadhyāhāra eva | tadāha—
saṃyajñapatirityatra vyavāyānnānuṣajyate

56.22.p1

iti vyavetānuṣaṅgādhikaraṇam || 18

56.22.p2

iti laghuvārtikaṭīkāyāṃ dvitīyādhyāyasya prathamapādaḥ