Citrapata 57: atha dvitīyaḥ pādaḥ
Citrapaṭa 57
- Language
- Sanskrit
atha dvitīyaḥ pādaḥ
57.p1
śabdāntarādhikaraṇam (1)
ekaprakaraṇagateṣu, yajati dadāti juhoti–ityādiṣu dhātvarthabhede'pi na bhāvanābhedaḥ | ekasyā evaṃ svaṃ pratyupādīyamānairdhātvarthairavacchedasaṃbhavāt | pratyarthabhāvanāyāstadekatve bhedāyogācca tadbhede phalāpavargitvāccāsām apūrvabhedāpatteḥ | tasmādekā bhāvanā iti cet —
śabdāntare karmabhedaḥ
bhāvanābheda–ityarthaḥ | padaśrutyā yāgoparaktatayā pratītāyāḥ vākyāt dhātvantarānavacchedāt taddhātvarthāvacchinnā anyaiva sā tattatpadaśrutyā pratipādyate | na caivaṃ guṇādeva bhedaḥ; tasya dhātvarthāṅgaguṇaviṣayatvāt | pratyayāṃśaikye'pi tattaddhātūparaktarūpabhedādbhāvanābhedaḥ | tataścāpūrvabheda iti
57.p2
iti śabdāntarādhikaraṇam || 1