Citrapata 60
Citrapaṭa 60
- Language
- Sanskrit
60.p1
īṣālambhādhikaraṇam (5)
darśapūrṇamāsayoḥ 'īṣāmālabheta' iti vihiteṣānuvādena 'vāyavyaṃ śvetamālabhetetyanārabhya śrutena śvetaguṇo vidhīyate| saṃbandhasāmānyavihitataddhitāntena vāyavyaśabdena vāyuspṛṣṭatvānuvādaḥ| bhūtikāmapadamapi sārvakāmyavākyaprāsaphalānuvādakam| naivam| phalapadasya pākṣikānuvādatvāpatteḥ| dārśapaurṇamāsikālambhaniyatyābhāvācca| ataḥ śvetadravyālambhamātraṃ yāvaduktaṃ phale vidhīyate
tathā tatraiva 'caturo muṣṭīnnirvapati' iti vihitanirvāpe, 'sauryaṃ caruṃ nirvaped' iti caruśabdalakṣitā sthālī ādhāratvena vidhīyate| dvitīyā ca sahamyarthe| sūryaśabdena gauṇyāmanyanuvādaḥ| atrāpi yāvaduktaṃ karmaphalāya vidhīyate| iti cet —
nālambhe syādguṇavidhirvāyavyamiti dārśike
dārśike ālambhe vāyavyamiti vākye na śvetaguṇavidhiḥ| tadīyanirvāpe na sthālīvidhirityapi draṣṭavyam| vāyavyamiti devatātaddhitena dravyadevatayoḥsaṃbandhapratītyā, tadanupapattikalpitasya 'vāyavyena śvetapaśunā yajeta bhūtikāmaḥ' iti phalāya viśiṣṭayāgasya vidhisambhave, na devatāpadavaiyarthyaṃ yuktam
evaṃ caruśabdasyāpyodane rūḍhasya sūryadevatāsaṃbandhe pūrvavat 'sauryeṇa caruṇā yajeta brahmavarcasakāma' iti ubhayatra phale viśiṣṭayāgavidhiriti
60.p2
iti nālambhādhikaraṇam || 5