Citrapata 70
Citrapaṭa 70
- Language
- Sanskrit
70.p1
prakaraṇasya viniyojakatādhikaraṇam (4)
darśapūrṇamāsayoḥ samidādiprayājāḥ śrutāḥ | tena tayoraṅgāni pradhānabhāvanāḥ bhāvyakaraṇatadutpādakadravyādibhirnirākāṃkṣatvāt, prayājānāñca varmakaraṇārthavādikaphalena viśvajinnyāyena darśaphalānuṣaṅgeṇa vā nirākāṃkṣatvāt, parasparākāṃkṣālakṣaṇaprakaraṇābhāvāt, śrutyāditrayābhāvasya ca spaṣṭatvāt | iti cet —
prayājānāṃ prakaraṇāt
aṅgatetyuttareṇa saṃbandhaḥ | phalavadbhāvanodbhūtakarthaṃbhāvakāṃkṣā prakaraṇam | 'yāgena svargaṃ kuryāt' ityukte, karaṇasya vyāpāraviśeṣākāṃkṣāyāṃ, prayājādibhirupakārasaṃpādanaṃ vyāpāraviśeṣatvena saṃbadhyate | na ca yāgānuṣṭhānameva saṃyogānukūlakriyānuṣṭhānavat prakāra iti śaṅkayam | kuṭhārasaṃpādanasyaiva vyāpāratvāpattyā, udyamanādivaiyarthyāpātāt | tasmātprayājādivyāpāreṇādṛṣṭadvārā vyāpriyamāṇasya pradhānasya phalasādhanatvam | evañca prayājāderapi apekṣitapradhānopakāreṇa phalavattvāt, nārthavādādibhiḥ phalakalpanākleśa iti prakaraṇādaṅgatvaṃ prayājādīnām
70.p2
iti prakaraṇasya viniyojakatādhikatādhikaraṇam || 4