Citrapata 71
Citrapaṭa 71
- Language
- Sanskrit
Contents
- 71.50 — 2 parts
71.50
kramasya viniyojakatvādhikaraṇam (5)
darśapūrṇamāsayoḥ hutānumantraṇamantro dadhvināmāsītyupāṃśuyājakrame samāmnāto liṅgaprakaraṇāviśeṣāt sarvārthaḥ | iti cet —
dadhnestu kramato'ṅgatā
71.50.p1
kramasamāmnātayormantrakarmaṇoḥ sthānasāmānyādanyataradarśane antaropasthitiniyamaḥ parasparaṃ saṃbandhārtha iti, ākāṃkṣādikalpanākrameṇa śrutikalpanayā upāṃśuyājaśeṣatvapratyayāt, liṅgaprakaraṇayorapi tāvataiva caritārthatvam
deśasāmānyarūpakramo dvividhaḥ | pāṭhasādeśyamanuṣṭhānasādeśyaśceti | pāṭhasādeśyamapi—yathā saṃkhyāmnānaṃ—sannidhyāmnānañceti dvividham | tatra dadhnimantraḥ prathamasyodāharaṇam | sānnāyyapātraśuṃdhanasaṃnidhau, 'śundhadhva'miti mantro dvitīyasya | anuṣṭhānasādeśyasya tu, agnīṣomīyapaśudharmā iti vakṣyate
71.50.p2
iti kramasya viniyojakatvādhikaraṇam || 5