Citrapata 76
Citrapaṭa 76
- Language
- Sanskrit
76.p1
peṣaṇasya carāveva niveśādhikaraṇam (18)
tatpeṣaṇaṃ, taddevatākacarau-'pauṣṇaṃ śyāmamālabhetānnakāmaḥ' iti vihitapaśau-puroḍāśe ca syāt, aviśeṣāt| iti cet —
carāveva bhavetsa tu
saḥ = utkarṣaḥ| taṇḍuleṣu peṣaṇaṃ codakasiddham| na ca vacanāt puroḍāśe'pi syāditi yuktam; tādṛśavacanābhāvāt| etasyātyantāprāptapeṣaṇopasthāpakatve gauravāt| paśāvapi hṛdayādināśāpyāttadvidhyayogāt| carāvarthalopāt prakṛtiprāptaṃ peṣaṇaṃ nivartamānaṃ pratiprasūyate| asyāpūrvavidhitve'pyupasthitilāghavamasyeva| taṇḍulānāṃ karaṇabhāvamātrasya vacanenānuṣṭhānāt na carutvavighāto'pi
76.p2
iti peṣaṇasya carāveva niveśādhikaraṇam || 18