[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Exegesis of the Vedic ritual (Pūrvamīmāṃsā)](https://indike.org/pramana/in.darsana.mimamsa) › [Kumārila's school](https://indike.org/pramana/in.darsana.mimamsa.bhatta) › [Not in a sub-category](https://indike.org/pramana/in.darsana.mimamsa.bhatta.other) › [Bhattarka](https://indike.org/pramana/in.darsana.mimamsa.bhatta.other.bhattarka) › p186 # Bhattarka p186 Bhaṭṭārka p186 - **Language:** Sanskrit ### [p186](https://indike.org/pramana/in.darsana.mimamsa.bhatta.other.bhattarka.p186) vibhāgastu saṃyogātyantābhāva iti kecit , tanna; rūpaṃ ghaṭādvibhaktamiti pratītyāpatteḥ | dravyavṛttitayā'viśeṣito'yamiti cet , avayavāvayavinostathā pratītyāpatteḥ | ataḥ svasamānādhikaraṇasaṃsargākālīnaḥ saṃsargadhvaṃsa eva | ataeva himavadvindhyau bhinnāvityeva dhīrna tu vibhaktāviti | anyatarasaṃyogināśe'pyastyeva vibhāgapratītiḥ | etatpratītau sandehe tu anekasaṃyogivṛttitvena dhvaṃso viśeṣaṇīyaḥ yāvatpratiyogyadhikaraṇādhikaraṇakaḥ saṃyogaḥ dhvaṃsa iti yāvat | ata eva samānādhikaraṇasvatvasaṃvandhavatāmevabhrātṛpitṛvyādīnāṃ 'vibhāgo'rthasya pitryasya putrairyatra prakalpyate' iti | 'vibhāgaṃ cetpitā kuryādicchayā vibhajetsutān' iti tatra vibhāga uktaḥ na tu asamānādhikaraṇasvatvavatoryayoḥ kayościdapi | evaṃ saṃpradānasaṃpradeyasambandhavatorevadravyadevatayostabdādharūpo vibhāga uktaḥ | "yasya havirniruptaṃ purastāccandramābhyudiyātsa tredhā taṇḍulān vibhajeddi"ti | ataḥ saṃsarganāśa eva vibhāgaḥ | vibhāgābhāva eva saṃyogo na guṇāntaramiti vaiparītyaṃ kiṃ na rocate iti cenna; evaṃ hi vibhāgaprāgabhāvasattvāccharakriyottarakṣaṇa eva 'śara uttaradeśena saṃyukta' iti buddhyāpattiḥ| na ca vibhāgadhvaṃsa evāstu iti vācyam | tathāpi anyanirapekṣayaiva kriyayā uttaradeśavibhāgadhvaṃsajananāccharakriyāvyavahitottarakṣaṇa evottaradeśasaṃyogī śara iti buddhiḥ syāt, na syācca śarottaradeśayorvibhaktabuddhiḥ karmaṇā tannāśāt - [Previous: p185](https://indike.org/pramana/in.darsana.mimamsa.bhatta.other.bhattarka.p185) - [Next: p187](https://indike.org/pramana/in.darsana.mimamsa.bhatta.other.bhattarka.p187) --- Source: [https://indike.org/pramana/in.darsana.mimamsa.bhatta.other.bhattarka.p186](https://indike.org/pramana/in.darsana.mimamsa.bhatta.other.bhattarka.p186) · Pramāṇa