Pramāṇa · Search · About · API

Shastradipika 2.p135

Śāstradīpikā, Tarkapāda (with a Hindi commentary, ed. Brahmavidyānanda 2020) 2.p135

Language
Sanskrit

2.p135

kiñca atiśobhano rājapuruṣaḥ ityatrātiśayānvitasya śobhanaguṇasya rājānvitasya ca puruṣasya punaḥ parasparā'nvayo gamyate—samāse hi parasparānvayapūrvakaḥ padārthāntarā'nvayaḥ, tenā'nvitayorevātrā'nvayaḥ| na cā'sāvabhidhānataḥ sidhyati| puruṣaśabdo hi puruṣasyaivārthāntarā'nvayamabhidhatte tasyaiva svārthatvāt| ato'nanvitānvayamalamabhidhātum| evaṃ śobhanaśabdo'pi svārthasyaiva śobhanatvasyā'nvayamāha, nā'nyānvitasya| ato'nvitayoranvayo'vaśyaṃ padārthanibandhana ityabhyupagantavyam