Tarkapada 2.p83

Tarkapāda 2.p83

Language: Sanskrit

2.p83

kiṃ punaridaṃ pratyabhijñākhyaṃ pramāṇam? pratyakṣamiti brūmaḥ| pūrvānubhavajanita-saṃskārasadhrīcīnendriyajanyatvād grahaṇasmaraṇarūpamidamekaṃ jñānam| tatra pūrvānubhūto'śaḥ smaryate, smaryamāṇena tu tena sahaikatvaviśiṣṭaṃ vartamānaṃ rūpaṃ pratyabhijñayā pratyakṣeṇa gṛhyata iti veditavyam| tasmānnityaḥ śabdaḥ| pradīpe tu prabhāmaṇḍalasyā'vayavaviśleṣamantareṇā'tyantā'nupapatte-rviśliṣṭā'vayavasya cā'vayavino'vaśyambhāvī vināśaḥ, vinaṣṭe ca pūrvasmin pradīpe paścāttanamavaśyaṃ pradīpāntarameva bhavati| dṛḍhe ca bhede pratyabhijñāsādṛśyanimitteti kalpyate| śabde tu na kiñcid bhede pramāṇamastīti viśeṣaḥ

Previous: 2.p82
Next: 2.p84
Up: 2

Linked texts (1)

Vidhirasāyana — Appayya Dīkṣita 1560, Sanskrit