Pramāṇa · Search · About · API

Mimamsasutra 4.2

Mīmāṃsāsūtra 4.2

Language
Sanskrit

4.2.1

svarus tv anekaniṣpattiḥ svakarmaśabdatvāt /

4.2.2

jātyantarāc ca śaṅkate /

4.2.3

tadekadeśo vā svarutvasya tannimittatvāt /

4.2.4

śakalaśruteś ca /

4.2.5

pratiyūpaṃ ca darśanāt /

4.2.6

ādāne karotiśabdaḥ /

4.2.7

śākhāyāṃ tatpradhānatvāt /

4.2.8

śākhāyāṃ tatpradhānatvād upaveṣeṇa vibhāgaḥ syād vaiṣamyaṃ tat /

4.2.9

śrutyapāyāc ca /

4.2.10

haraṇe tu juhotir yogasāmānyād dravyāṇāṃ cārthaśeṣatvāt /

4.2.11

pratipattir vā śabdasya tatpradhānatvāt /

4.2.12

arthe 'pi cet /

4.2.13

na tasyānadhikārād arthasya ca kṛtatvāt /

4.2.14

utpattyasaṃyogāt praṇītānām ājyavad vibhāgaḥ syāt /

4.2.15

saṃyavanārthānāṃ vā pratipattir itarāsāṃ tatpradhānatvāt /

4.2.16

prāsanavan maitrāvaruṇasya daṇḍapradānaṃ kṛtārthatvāt /

4.2.17

arthakarma vā kartṛsaṃyogāt sragvat /

4.2.18

karmayukte ca darśanāt /

4.2.19

utpattau yena saṃyuktaṃ tadarthaṃ tacchrutihetutvāt tasyārthāntaragamane śeṣatvāt pratipattiḥ syāt /

4.2.20

saumike ca kṛtārthatvāt /

4.2.21

arthakarma vābhidhānasaṃyogāt /

4.2.22

pratipattir vā tannyāyatvād deśārthāvabhṛthaśrutiḥ /

4.2.23

kartṛdeśakālānām acodanaṃ prayoge nityasamavāyāt /

4.2.24

niyamārthā vā śrutiḥ /

4.2.25

tathā dravyeṣu guṇaśrutir utpattisaṃyogāt /

4.2.26

saṃskāre ca tatpradhānatvāt /

4.2.27

yajati codanādravyadevatākriyaṃ samudāye kṛtārthatvāt /

4.2.28

tadukte śravaṇāj juhotir āsecanādhikaḥ syāt /

4.2.29

vidheḥ karmāpavargitvād arthāntare vidhipradeśaḥ syāt /

4.2.30

api votpattisaṃyogād arthasambandho 'viśiṣṭānāṃ prayogaikatvahetuḥ syāt /

Commentaries (2)

Linked texts (2)