Mimamsasutra 5.2

Mīmāṃsāsūtra 5.2

Language: Sanskrit

5.2.1

sannipāte prādhānānām ekaikasya guṇānāṃ sarvakarma syāt /

5.2.2

sarveṣāṃ vaikajātīyaṃ kṛtānupūrvyatvāt /

5.2.3

kāraṇād abhyāvṛttiḥ /

5.2.4

muṣṭikapālāvadānāñjanābhyañjanavapanapāvaneṣu caikena /

5.2.5

sarvāṇi tv ekakāryatvādeṣāṃ tadguṇatvāt /

5.2.6

saṃyukte tu prakramāt tadaṅgaṃ syād itarasya tadarthatvāt /

5.2.7

vacanāt tu parivyāṇāntam añjanādiḥ syāt /

5.2.8

kāraṇādvā(na) vasargaḥ syād yathā pātravṛddhiḥ /

5.2.9

na vā śabdakṛtatvān nyāyamātramitaradarthāt pātravivṛddhiḥ /

5.2.10

paśugaṇe tasyatasyāpavarjayet paśvaikatvāt /

5.2.11

daivatair vaikakarmyāt /

5.2.12

mantrasya cārthavattvāt /

5.2.13

nānābījeṣvekamulūkhalaṃ vibhavāt /

5.2.14

vivṛddhir vā niyāmādānupūrvyasya tadarthatvāt /

5.2.15

ekaṃ vā taṇḍulabhāvād dhantes tadarthatvāt /

5.2.16

vikāre tv anūyājānāṃ pātrabhedo 'rthabhedāt syāt /

5.2.17

prakṛteḥ pūrvoktatvād apūrvam ante syān na hy acoditasya śeṣāmnānam /

5.2.18

mukhyānantaryamātreyas tena tulyaśrutitvād aśabdatvāt prākṛtānāṃ vyavāyaḥ syāt /

5.2.19

ante tu bādarāyaṇas teṣāṃ pradhānaśabdatvāt /

5.2.20

tathā cānyārthadarśanam /

5.2.21

kṛtadeśāt tu pūrveṣāṃ sa deśaḥ syāt tena pratyakṣasaṃyogān nayāyamātramitarat /

5.2.22

prakṛtāc ca purastād yat /

5.2.23

sannipātaś ced yathoktamante syāt /

Commentaries (2)

Śābarabhāṣya (Mīmāṃsāsūtrabhāṣya) — Śabarasvāmin, Sanskrit
Jaiminīyanyāyamālā — Mādhava, Sanskrit

Linked texts (2)

Adhikaraṇaratnamālā — Sāyaṇa, Sanskrit
Ṛjuvimalā pañcikā — Śālikanātha Miśra, Sanskrit