Mimamsasutra 7.2

Mīmāṃsāsūtra 7.2

sāmno 'bhidhānaśabdena pravṛttiḥ syād yathāśiṣṭam /

śabdais tv arthavidhitvād arthāntare 'pravṛttiḥ syāt pṛthagbhāvāt kriyāyā hy abhisambandhaḥ /

svārthe vā syāt prayojanaṃ kriyāyās tadaṅgabhāvenopadiśyeran /

śabdamātram iti cet /

nautpattikatvāt /

śāstraṃ caivam anarthakaṃ syāt /

svarasyeti cet /

nārthābhāvāc chruter asaṃbandhaḥ /

svaras tūtpattiṣu syān mātrāvarṇāvibhaktatvāt /

liṅgadarśanāc ca /

aśrutes tu vikārasyottarāsu yathāśruti /

śabdānāṃ cāsāmañjasyam /

api tu karmaśabdaḥ syād bhāvo 'rthaḥ prasiddhagrahaṇatvād vikāro hy aviśiṣṭo 'nyaiḥ /

adravyaṃ cāpi dṛśyate /

tasya ca kriyā grahaṇārthā nānārtheṣu virūpitvād artho hy āsāmalaukiko vidhānāt /

tasmin saṃjñāviśeṣāḥ syur vikārapṛthaktvāt /

yoniśasyāś ca tulyavad itarābhir vidhīyante /

ayonau cāpi dṛśyate 'tathāyoni /

aikārthye nāsti vairūpyam iti cet /

syād arthāntareṣv aniṣpatter yathā pāke /

śabdānāṃ ca sāmañjasyaṃ /

Commentaries (5)