Mimamsasutra 7.4

Mīmāṃsāsūtra 7.4

itikartavyatā vidher yajateḥ pūrvavattvam /

sa laukikaḥ syād dṛṣṭapravṛttitvāt /

vacanāt tu tato 'nyatvam /

liṅgena vā niyamyeta liṅgasya tadguṇatvāt /

api vānyāyapūrvatvād yatra nityānuvādavacanāni syuḥ /

mitho vipratiṣedhāc ca guṇānāṃ yathārthatalpanā syāt /

bhāgitvāt tu niyamyeta guṇānām abhidhānatvāt sambandhād abhidhānavad yathā dhenuḥ kiśoreṇa /

utpattīnāṃ samatvād vā yathādhikāraṃ bhāvaḥ syāt /

utpattiśeṣavacanaṃ ca vipratiṣiddham ekasmin /

vidhyanto vā prakṛtivac codanāyāṃ pravarteta tathā hi liṅgadarśanam /

liṅgahetutvād aliṅge laukikaṃ syāt /

liṅgasya pūrvavattavāc codanāśabdasāmānyād ekenāpi nirūpyeta yathā sthālīpulākena /

dvādaśāhikam ahargaṇe tatprakṛtitvād aikāhikam adhikāgamāt tadākhyaṃ syād ekāhavat /

liṅgāc ca /

na vā kratvabhidhānād adhikānām aśabdatvam /

liṅgaṃ saṃghātadharmaḥ syāt tadarthāpatter dravyavat /

na vārthadharmatvāt saṃghātasya guṇatvāt /

arthāpatter dravyeṣu dharmalābhaḥ syāt /

pravṛttyā niyatasya liṅgadarśanam /

vihāradarśanaṃ viśiṣṭasyānārabhyavādānāṃ prakṛtyarthatavāt /

Commentaries (5)