[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Exegesis of the Vedic ritual (Pūrvamīmāṃsā)](https://indike.org/pramana/in.darsana.mimamsa) › [Mimamsasutra](https://indike.org/pramana/in.darsana.mimamsa.mimamsasutra) › 9.1 # Mimamsasutra 9.1 Mīmāṃsāsūtra 9.1 - **Language:** Sanskrit ### [9.1.1](https://indike.org/pramana/in.darsana.mimamsa.mimamsasutra.9.1.1) yajñakarma pradhānaṃ tad dhi codanābhūtaṃ tasya dravyeṣu saṃskāras tatprayuktas tadarthatvāt / ### [9.1.2](https://indike.org/pramana/in.darsana.mimamsa.mimamsasutra.9.1.2) saṃskāre yujyamānānāṃ tādarthyāt tatprayuktaṃ syāt / ### [9.1.3](https://indike.org/pramana/in.darsana.mimamsa.mimamsasutra.9.1.3) tena tvarthena yajñasya saṃyogād dharmasambandhas tasmād yajñaprayuktaṃ syāt saṃskārasya tadarthatvāt / ### [9.1.4](https://indike.org/pramana/in.darsana.mimamsa.mimamsasutra.9.1.4) phaladevatayoś ca / ### [9.1.5](https://indike.org/pramana/in.darsana.mimamsa.mimamsasutra.9.1.5) na codanātī hi tādguṇyam / ### [9.1.6](https://indike.org/pramana/in.darsana.mimamsa.mimamsasutra.9.1.6) devatā vā prayojayed atithivad bhojanasya tadarthatvāt / ### [9.1.7](https://indike.org/pramana/in.darsana.mimamsa.mimamsasutra.9.1.7) arthāpatyā ca / ### [9.1.8](https://indike.org/pramana/in.darsana.mimamsa.mimamsasutra.9.1.8) tataś ca tena sambandhaḥ / ### [9.1.9](https://indike.org/pramana/in.darsana.mimamsa.mimamsasutra.9.1.9) api vā śabdapūrvatvād yajñakarma pradhānaṃ syād guṇatve devatāśrutiḥ / ### [9.1.10](https://indike.org/pramana/in.darsana.mimamsa.mimamsasutra.9.1.10) atithau tatpradhānatvam abhāvaḥ karmaṇi syāt tasya prītipradhānatvāt / ### [9.1.11](https://indike.org/pramana/in.darsana.mimamsa.mimamsasutra.9.1.11) dravyasaṃkhyāhetusamudāyaṃ vā śrutisaṃyogāt / ### [9.1.12](https://indike.org/pramana/in.darsana.mimamsa.mimamsasutra.9.1.12) arthakārite ca dravyeṇa na vyavasthā syāt / ### [9.1.13](https://indike.org/pramana/in.darsana.mimamsa.mimamsasutra.9.1.13) artho vā syāt prayojanam itareṣām acodanāt tasya ca guṇabhūtatvāt / ### [9.1.14](https://indike.org/pramana/in.darsana.mimamsa.mimamsasutra.9.1.14) apūrvatvād vyavasthā syāt / ### [9.1.15](https://indike.org/pramana/in.darsana.mimamsa.mimamsasutra.9.1.15) tatprayuktatve ca dharmasya sarvaviṣayatvam / ### [9.1.16](https://indike.org/pramana/in.darsana.mimamsa.mimamsasutra.9.1.16) tadyuktasyeti cet / ### [9.1.17](https://indike.org/pramana/in.darsana.mimamsa.mimamsasutra.9.1.17) nāśrutitvāt / ### [9.1.18](https://indike.org/pramana/in.darsana.mimamsa.mimamsasutra.9.1.18) adhikārād iti cet / ### [9.1.19](https://indike.org/pramana/in.darsana.mimamsa.mimamsasutra.9.1.19) tulyeṣu nādhikāraḥ syād acoditaś ca sambandhaḥ pṛthaksatāṃ yajñārthenābhisambandhas tasmādyajñaprayojanam / ### [9.1.20](https://indike.org/pramana/in.darsana.mimamsa.mimamsasutra.9.1.20) deśabaddham upāṃśutvaṃ teṣāṃ syāc chrutinirdeśāt tasya ca tatrabhāvāt / ### [9.1.21](https://indike.org/pramana/in.darsana.mimamsa.mimamsasutra.9.1.21) yajñasya vā tatsaṃyogāt / ### [9.1.22](https://indike.org/pramana/in.darsana.mimamsa.mimamsasutra.9.1.22) anuvādaś ca tadarthavat / ### [9.1.23](https://indike.org/pramana/in.darsana.mimamsa.mimamsasutra.9.1.23) praṇītādi tatheti cet / ### [9.1.24](https://indike.org/pramana/in.darsana.mimamsa.mimamsasutra.9.1.24) na yajñasyāśrutitvāt / ### [9.1.25](https://indike.org/pramana/in.darsana.mimamsa.mimamsasutra.9.1.25) taddeśānāṃ vā saṃghātasya coditatvāt / ### [9.1.26](https://indike.org/pramana/in.darsana.mimamsa.mimamsasutra.9.1.26) agnidharmaḥ pratīṣṭakaṃ saṃghātāt paurṇamāsīvat / ### [9.1.27](https://indike.org/pramana/in.darsana.mimamsa.mimamsasutra.9.1.27) agner vā syād dravyaikatvād itarāsāṃ tadarthatvāt / ### [9.1.28](https://indike.org/pramana/in.darsana.mimamsa.mimamsasutra.9.1.28) codanāsamudāyāt tu paurṇamāsyāṃ tathā syāt / ### [9.1.29](https://indike.org/pramana/in.darsana.mimamsa.mimamsasutra.9.1.29) patnīsaṃyājāntatvaṃ sarveṣām aviśeṣāt / ### [9.1.30](https://indike.org/pramana/in.darsana.mimamsa.mimamsasutra.9.1.30) liṅgād vā prāg uttamāt / ### [9.1.31](https://indike.org/pramana/in.darsana.mimamsa.mimamsasutra.9.1.31) anuvādo vā dīkṣā yathā naktaṃ saṃsthāpanasya / ### [9.1.32](https://indike.org/pramana/in.darsana.mimamsa.mimamsasutra.9.1.32) syād vānārabhya vidhānād ante liṅga virodhāt / ### [9.1.33](https://indike.org/pramana/in.darsana.mimamsa.mimamsasutra.9.1.33) abhyāsaḥ sāmidhenīnāṃ prāthamyāt sthānadharmaḥ syāt / ### [9.1.34](https://indike.org/pramana/in.darsana.mimamsa.mimamsasutra.9.1.34) iṣṭyāvṛtau prayājavad āvartetārambhaṇīyā / ### [9.1.35](https://indike.org/pramana/in.darsana.mimamsa.mimamsasutra.9.1.35) sakṛd vārambhasaṃyogād ekaḥ punarārambho yāvajjīvaprayogāt / ### [9.1.36](https://indike.org/pramana/in.darsana.mimamsa.mimamsasutra.9.1.36) arthābhidhānasaṃyogān mantreṣu śeṣabhāvaḥ syāt tatrācoditam aprāptaṃ coditābhidhānāt / ### [9.1.37](https://indike.org/pramana/in.darsana.mimamsa.mimamsasutra.9.1.37) tataś cāvacanaṃ teṣām itarārthaṃ prayujyate / ### [9.1.38](https://indike.org/pramana/in.darsana.mimamsa.mimamsasutra.9.1.38) guṇaśabdas tatheti cet / ### [9.1.39](https://indike.org/pramana/in.darsana.mimamsa.mimamsasutra.9.1.39) nasamavāyāt / ### [9.1.40](https://indike.org/pramana/in.darsana.mimamsa.mimamsasutra.9.1.40) codite tu parārthatvād vidhivadavikāraḥ syāt / ### [9.1.41](https://indike.org/pramana/in.darsana.mimamsa.mimamsasutra.9.1.41) vikāras tatpradhāne syāt / ### [9.1.42](https://indike.org/pramana/in.darsana.mimamsa.mimamsasutra.9.1.42) asaṃyogāt tadartheṣu tadviśiṣṭaṃ pratīyeta / ### [9.1.43](https://indike.org/pramana/in.darsana.mimamsa.mimamsasutra.9.1.43) karmābhāvād evam iti cet / ### [9.1.44](https://indike.org/pramana/in.darsana.mimamsa.mimamsasutra.9.1.44) na parārthatvāt / ### [9.1.45](https://indike.org/pramana/in.darsana.mimamsa.mimamsasutra.9.1.45) liṅgaviśeṣanirdeśāt samānavidhāneṣv aprāptā sārasvatī strītvāt / ### [9.1.46](https://indike.org/pramana/in.darsana.mimamsa.mimamsasutra.9.1.46) paśvabhidhānād vā tad dhi codanābhūtaṃ puṃviṣayaṃ punaḥ paśutvam / ### [9.1.47](https://indike.org/pramana/in.darsana.mimamsa.mimamsasutra.9.1.47) viśeṣo vā tadarthanirdeśāt / ### [9.1.48](https://indike.org/pramana/in.darsana.mimamsa.mimamsasutra.9.1.48) paśutvaṃ caikaśabdyāt / ### [9.1.49](https://indike.org/pramana/in.darsana.mimamsa.mimamsasutra.9.1.49) yathoktaṃ vā sannidhānāt / ### [9.1.50](https://indike.org/pramana/in.darsana.mimamsa.mimamsasutra.9.1.50) āmnātād anyad adhikāre vacanād vikāraḥ syāt / ### [9.1.51](https://indike.org/pramana/in.darsana.mimamsa.mimamsasutra.9.1.51) dvaidhaṃ vā tulyahetutvāt sāmānyād vikalpaḥ syāt / ### [9.1.52](https://indike.org/pramana/in.darsana.mimamsa.mimamsasutra.9.1.52) upadeśāc ca sāmnaḥ / ### [9.1.53](https://indike.org/pramana/in.darsana.mimamsa.mimamsasutra.9.1.53) niyamo vā śrutiviśeṣād itarat sāptadaśyavat / ### [9.1.54](https://indike.org/pramana/in.darsana.mimamsa.mimamsasutra.9.1.54) apragāṇāc chabdānyatve tathābhūtopadeśaḥ syāt / ### [9.1.55](https://indike.org/pramana/in.darsana.mimamsa.mimamsasutra.9.1.55) yatsthāne vā tadgītiḥ syāt padānyatvapradhānatvāt / ### [9.1.56](https://indike.org/pramana/in.darsana.mimamsa.mimamsasutra.9.1.56) gānasaṃyogāc ca / ### [9.1.57](https://indike.org/pramana/in.darsana.mimamsa.mimamsasutra.9.1.57) vacanam iti cet / ### [9.1.58](https://indike.org/pramana/in.darsana.mimamsa.mimamsasutra.9.1.58) na tatpradhānatvāt / ## Commentaries (1) - [Jaiminīyanyāyamālā](https://indike.org/pramana/in.darsana.mimamsa.mimamsasutra!nyayamala.41.1.1.p1) — Mādhava, Sanskrit ## Linked texts (2) - [Adhikaraṇaratnamālā](https://indike.org/pramana/in.darsana.mimamsa.adhikaranaratnamala.67.1-2) — Sāyaṇa, Sanskrit - [Vādanakṣatramālā (ed1912)](https://indike.org/pramana/in.darsana.mimamsa.bhatta.vadanaksatramala*ed1912.2.p305.5) — Sanskrit --- Source: [https://indike.org/pramana/in.darsana.mimamsa.mimamsasutra.9.1](https://indike.org/pramana/in.darsana.mimamsa.mimamsasutra.9.1) · Pramāṇa