Sankarshakanda 16: atha dvitīyaḥ pādaḥ
Saṅkarṣakāṇḍa 16
- Language
- Sanskrit
atha dvitīyaḥ pādaḥ
16.2
hṛdayaśūlaṃ tasya vahati tannāgnīṣomīye karoti na savanīye
anūbandhyāyāṃ karoti sonyavetyavidhiḥ || 2-2-1 || (pū)
sarveṣāṃ vā śrapaṇādudvāsanādhikārapratiṣedhaḥ || 2-2-2 || (si)
mantravarṇācca || 2-2-3
16.3
sa yūpo mantravarṇāt || 2-2-4 || (pū)
liṅgācca || 2-2-5
barhiḥ samidha iti idhmāmiḥ paurṇamāsīti ca etena vyākhyātāni prakaraṇāt || 2-2-6
śabdasāmānyaṃ vā prakaraṇe karmāṇi tatprakaraṇe śeṣāścodyante || 2-2-7 || (si)
16.5
pārvaṇena kālo'bhījyeta śabdasaṃyogāt || 2-2-9
karmābhijyā vā tulyaśabdānāṃ prakaraṇaviśeṣāt uttarasyāṃ tato karmaprayogo na vidyate vipratiṣedhāt || 2-2-10
some darśapūrṇamāsaprabhṛtīnāṃ yājamānaṃ na vidyate (vijñāyate) yajño babhūvetyarthokte śrūyate sā parisaṅkhyā | yathā "ājyabhāgau yajati" iti gṛhamedhīye || 2-2-11
stutaśastrayostvanumantraṇārthamāmananti tatsaṃyogapṛthaktvaṃ yathā paścāvatte || 2-2-12 || (si)
16.6
caturavattaṃ juhotīti sarvejyānāmaviśeṣāt || 2-2-13 || (pū)
adarvihomānāṃ vā liṅgāt || 2-2-14 || (si)
16.7
paścāvattaṃ jāmadagnīnāmiti sarveṣāmaviśeṣāt || 2-2-15 || (pū)
syāccaturavatte tasyaiva liṅgadarśanāt || 2-2-16 || (si)
16.9
paścamāvattamājyāt saṃrūpyāsaṃyogāt || 2-2-17 || (pū)
auṣadhādvā tatsaṃpradānenābhipretam || 2-2-18 || (si)
liṅgācca || 2-2-19
antataḥ kramasaṃyogāt pañcamaśabdaścāvipratiṣiddhaḥ || 2-2-20 || (pū)
purastādvā'bhighāraṇāt saṃskārārthamabhighāraṇam saṃkhyārthaḥ pañcamaśabdaḥ || 2-2-21 || (si)
16.10
paścārdhāt tṛtīyaṃ paścāvattinaḥ kramasaṃyogāt || 2-2-22 ||(pū)
āvāpasviṣṭakṛto dvitīyaṃ paścāvattinaḥ || 2-2-23 || (si)
16.11
¹sakṛdupahatena vanaspatiṃ yajatīti saṃskārapratipedhaḥ
śabdasaṃyogāt || 2-2-24 || (pū)
²karma vā saṃsargārthanivṛttatvāt || 2-2-25 || (si)