Sankarshakanda 19
Saṅkarṣakāṇḍa 19
- Language
- Sanskrit
19.1
āśrutapratyāśrute saṃpraiṣaścānuvaṣaṭkāre na vidyate anuvaṣaṭkarotīti tu viprakarṣeṇa nopapadyate || 2-3-38 || (pū)
vipratiṣiddhāstvekeṣāṃ nāśrāvayatīti || 2-3-39
na, nityānuvādo vā nyāyasannidhānāt || 2-3-40 || (si)
caturthaḥ pādaḥ
19.2
devatāyogena pradānātmake codyamāne
āhutiryathā loke || 2-4-1 || (si)
liṅgācca || 2-4-2 || (gu. sū.)
19.3
adevatāsaṃyogena codyamāne'rthagṛhītā devatā tatsaṃyoge
juhotiśabdo yathā bhojanaśabdo manuṣyasaṃyoge || 2-4-3 || (si)
19.4
suktavāka eva yājyā prastarapraharaṇamāhutiridhmaḥ prathamāhutīnāṃ hūyata ityetena vyākhyātam || 2-4-4 || (pū)
praśaṃsā vā saṃskāraḥ prastarasya sannidhānāt || 2-4-7 || (si)
19.5
ajyānīretā upadadhātītyāgrayaṇaṃ nirupyaitā āhutīriti tatsaṃyogapṛthaktvam || 2-4-5
19.6
citrayā yajeta paśukāma ityuktvā athaitā āhutīrjuhotyete vai devatāḥ- puṣṭipatayaḥ tayaivāsmin puṣṭiṃ dadhāti agne gobhirna āgahi indo puṣṭyā jupasva naḥ indro dhartā gṛheṣu naḥ ityetairmantrairjuhuyāt ānantaryāt puṣṭiśabdaścobhayatra śrūyate || 2-4-6
19.7
darvihome sakṛdgṛhītamarthāpatteḥ || 2-4-7
liṅgācca || 2-4-11
19.8
gaṇeṣu caturgṛhītaṃ samavāyādyathā dhruvāyāḥ || 2-4-12 || (pū)
pratyāhuti vā pradānasaṃyogāt || 2-4-13 || (si)
tatra samāse vacanaṃ kriyeta karmavibhāgāt || 2-4-14
19.9
samidādhānaṃ na vidyate'nājñānāt || 2-4-15 || (pū)
samidhaṃ pratyāhuti darśayati || 2-4-16 || (si)
19.10
pākayajñaśabdassarvayajñānāmaviśeṣāt yathā''hutiśabdaḥ || 2-4-17 || (pū)
keṣāṃcidvyapadeśāt || 2-4-18 || (si.)
19.11
sarvaṃdarvihomānāṃ syācchiṅgasaṃyogāt || 2-4-19 || (si)
19.12
sarveṣāmaviśeṣāt || 2-4-20 || (pū)
laukikānāṃ vā teṣāṃ etannāmadheyam || 2-4-21 || (si)
liṅgācca || 2-4-22
19.13
dharmopadeśo vipratiṣedhāt yathāvadetat || 2-4-23 || (si)
19.14
prācīnapravaṇe yajetetyadhikaraṇanirdeśaḥ
syāt || 2-4-24 || (si)
liṅgācca || 2-4-25
19.14-2
pade juhoti vartmani juhoti valmīkavapāyāṃ juhotītyetena vyākhyātam || 2-4-26 || (pū)
agnivikārā vā juhotisaṃyogena codyamāne ardhaśabdena vidhīyante yathā uttarārdhe'gnaye juhoti dakṣiṇārdhe somāyeti deśaśabdena vidhīyante || 2-4-27 || (si)
19.15
catuṣpathe juhotītyanena vyākhyātam || 2-4-28 || (pū)
praśaṃsā vā agninattyeva juhotīti yathā brāhmaṇavān
grāma iti || 2-4-30 || (si)
19.17
pratyañco'vabhṛthena carantīti prāṅmukhāḥ karmāṇi kuryuḥ
tadvyākhyātam || 2-4-31 || (si)
19.18
'pṛthivyai svāhāntarikṣāya svāhā' iti mantrāntāmnātaḥ
svāhākāraḥ pradānārthatvāt tau hyarthau śrutyā saṃyujyete
2-4-33
19.19
purastādapi mantrāḥ śrūyamāṇāḥ tadarthaḥ pradānasaṃyogāt
yathā dehi brāhmaṇāya brāhmaṇāya dehīti || 2-4-34 || (si)
āmnāyācca || 2-4-35
19.20
svāhākṛtya brahmaṇā te juhomi svāhākṛtamiti prayataṃ juhomi¹
svāhākṛtamindrāya te juhomi svāhākṛtaḥ punarapyeti devān
ityetena vyākhyātam || 2-4-36 || (pū)
apradānārthā vā stutyarthaḥ śrūyate || 2-4-37 || (si)
Linked texts (1)
- Āpastambasūtra — Āpastamba, Sanskrit