<!-- Pramāṇa, a library of Indian primary sources · https://indike.org/pramana/in.darsana.nyaya.nyayamanjari!granthibhanga.5.p12 -->

[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Nyāyamañjarī](https://indike.org/pramana/in.darsana.nyaya.nyayamanjari) › [Nyayamanjarigranthibhanga](https://indike.org/pramana/in.darsana.nyaya.nyayamanjari!granthibhanga) › 5.p12

# A Cluster of Nyāya Flowers 5.p12

Nyāyamañjarīgranthibhaṅga 5.p12

- **Language:** Sanskrit

### [5.p12](https://indike.org/pramana/in.darsana.nyaya.nyayamanjari!granthibhanga.5.p12)

hautraṃ hotṛkarma yājyānuvākyāpāṭhādi | ādhvaryavamadhvaryukarma puroḍāśādikaraṇaṃ homaśca | audgātra mudgātṛkarma stotrādipāṭhaḥ | sarvaśākhāpratyayamiti | sarvaśākhādhīnaḥ pratyayaḥ pratītiryasya | na hyekasyāṃ śākhāyāṃ nirapekṣaṃ karma pratīyate | kāvyasamasyāpūraṇa iti | yatraikaḥ pādaḥ kavinā racyate dvau vā śiṣṭamanyaiḥ pūryate sā kāvyasamasyā | yathā 'samudrād vahnirutthitaḥ' iti 'sītāsamāsaptādākarṇākṛṣṭadhanvanaḥ | rāghavasya śarāṅgāraiḥ' iti pādatrayeṇa pūrayanti | viśvavasukāvyam “jaradgavaḥ kambalapādukābhyāṃ dvāri sthito gāyati mattakāni' ityādikam | prasiddhapadārthapakṣyānanvitārthamiti varṇayanti, mīmāṃsakabhāṣyakṛtasyaivānvitārthodāharaṇatvena pradarśanāt | prakṛṣṭādhyayananibandhano bhaviṣyatīti | kaṭhenāsādhāraṇyenaivaiṣā śākhā proktā śiṣyebhyo nigaditā | bhavadbhirapyuktam | 'vedāṃścaike sannikarṣam puruṣākhyā' iti pūrvapakṣayitvā 'ākhyā pravacanāt' iti siddhāntayadbhiḥ |

- [Previous: 5.p11](https://indike.org/pramana/in.darsana.nyaya.nyayamanjari!granthibhanga.5.p11)
- [Next: 5.p13](https://indike.org/pramana/in.darsana.nyaya.nyayamanjari!granthibhanga.5.p13)
- [Up: 5](https://indike.org/pramana/in.darsana.nyaya.nyayamanjari!granthibhanga.5)

## Linked texts (1)

- [Nyāyamañjarī](https://indike.org/pramana/in.darsana.nyaya.nyayamanjari.1.4.94) — Jayanta Bhaṭṭa, Sanskrit

---
Source: [https://indike.org/pramana/in.darsana.nyaya.nyayamanjari!granthibhanga.5.p12](https://indike.org/pramana/in.darsana.nyaya.nyayamanjari!granthibhanga.5.p12) · Pramāṇa