[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Nyāyamañjarī](https://indike.org/pramana/in.darsana.nyaya.nyayamanjari) › [Nyayamanjarigranthibhanga](https://indike.org/pramana/in.darsana.nyaya.nyayamanjari!granthibhanga) › 5.p13 # A Cluster of Nyāya Flowers 5.p13 Nyāyamañjarīgranthibhaṅga 5.p13 - **Language:** Sanskrit ### [5.p13](https://indike.org/pramana/in.darsana.nyaya.nyayamanjari!granthibhanga.5.p13) tartika kāryakāraṇeti | kāryakāraṇalakṣaṇaḥ sambandho bījāṅkurayoriva, nimittanaimittika lakṣaṇaḥ kuvindapaṭayoriva, āśrayāśrayibhāvalakṣaṇastu kuṇḍabadarayoriva | ādigrahaṇāt kāryotpāde'pyanivṛttaḥ kāraṇaviśeṣayonirūstakṛtaḥ sambandhaḥ pitāputrayoriva | pratyayaniyamahetutvāditi | viśiṣṭārthaviṣayapratyayastenāsambandhānnopapadyata iti bhāvaḥ | niyogeti | vyavasthayā niyogo niyojanam | śabdārthābhedavādināṃ hīti | śabda uccarite śabdākāratayā prathamaṃ buddhirvivartate, sā tathā vivṛttā satī tato'rthākāratayā vipariṇamate, tasyāñca tathābhūtāyāṃ buddhau śabdasvarūpamevārthakāratayā nivṛttamavagamyata ityādi yuktyupanyāsapūrvakaṃ śabdārthayorabhedamāhuḥ śābdāḥ | saṃśleṣa iti | saṃśleṣarūpasambandha iti, prāguktanītyā śabdasaṃsṛṣṭasyaivārthasyāvagamāt | sāṃsiddhika eveti | svābhāvika eva śaktidvayaniyamalakṣaṇasambandha ityarthaḥ | udyotādayaḥ pradīpādayaḥ | - [Previous: 5.p12](https://indike.org/pramana/in.darsana.nyaya.nyayamanjari!granthibhanga.5.p12) - [Next: 5.p14](https://indike.org/pramana/in.darsana.nyaya.nyayamanjari!granthibhanga.5.p14) - [Up: 5](https://indike.org/pramana/in.darsana.nyaya.nyayamanjari!granthibhanga.5) ## Linked texts (1) - [Nyāyamañjarī](https://indike.org/pramana/in.darsana.nyaya.nyayamanjari.1.4.94) — Jayanta Bhaṭṭa, Sanskrit --- Source: [https://indike.org/pramana/in.darsana.nyaya.nyayamanjari!granthibhanga.5.p13](https://indike.org/pramana/in.darsana.nyaya.nyayamanjari!granthibhanga.5.p13) · Pramāṇa