[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Nyāyamañjarī](https://indike.org/pramana/in.darsana.nyaya.nyayamanjari) › [Nyayamanjarigranthibhanga](https://indike.org/pramana/in.darsana.nyaya.nyayamanjari!granthibhanga) › 5.p5 # A Cluster of Nyāya Flowers 5.p5 Nyāyamañjarīgranthibhaṅga 5.p5 - **Language:** Sanskrit ### [5.p5](https://indike.org/pramana/in.darsana.nyaya.nyayamanjari!granthibhanga.5.p5) nāmākhyāteti | nāmnāmabhinavatvaṃ sūcayati kṛtagatvasyāgniśabdasya kvacit prayogaḥ | ākhyātasyābhinavatvaṃ 'hotā yajatu' ityatrārthe 'hotaḥ yakṣat' iti prayoge | upasargasya 'saṃ te vāyurvātena gacchatām' ityādau vyavahitasya prayogaḥ | stutiḥ praśaṃsā yathā—'sarvajitā vai devāḥ samayajan sarvasyāptyai sarvasya jityai sarvamevaitenāpnoti sarvaṃ jayati' ityādi | aniṣṭaphalavādo nindā | 'sa eṣa vāva prathamo yajñānāṃ yajjyotiṣṭomo ya etenāniṣṭvā'nyena yajate sa garte patatyayamevaitajjīryate vā pramīyate vā' ityādi | anyakartṛkasya vyāhatasya vidhervādaḥ parakṛtiḥ | "hutvā vapāmevāgre'bhidhārayanti atha pṛṣadājyaṃ tadu ha kaṭhacarakāścaryavaḥ pṛṣadājyamevāgre'bhidhārayanti prāṇā vai pṛṣadājyamiti vadantaḥ” ityādi | aitihyasamācārito vidhiḥ purākalpaḥ | 'tasmādvā etena purā brāhmaṇā bahiṣpavamānaṃ sāmastomamastām̐ṣan yone yajñaṃ pratanavāmahe" ityādi nyāyabhāṣyoktāni stutyādyudāharaṇāni | viśiṣṭanāmadheyakartṛsambandhinirvartyakarmapratipādakasāmānyakartṛmātranirvartyakarmapratipādakayorarthadvāreṇa vākyayostu mīmāṃsakāḥ parakṛtipurākalpatāmāhuḥ | ādigrahaṇamanuvādādiparigrahārtham | śākhāntaroktisāpekṣeti | śākhāntarokti- - [Previous: 5.p4](https://indike.org/pramana/in.darsana.nyaya.nyayamanjari!granthibhanga.5.p4) - [Next: 5.p6](https://indike.org/pramana/in.darsana.nyaya.nyayamanjari!granthibhanga.5.p6) - [Up: 5](https://indike.org/pramana/in.darsana.nyaya.nyayamanjari!granthibhanga.5) ## Linked texts (1) - [Nyāyamañjarī](https://indike.org/pramana/in.darsana.nyaya.nyayamanjari.1.4.43) — Jayanta Bhaṭṭa, Sanskrit --- Source: [https://indike.org/pramana/in.darsana.nyaya.nyayamanjari!granthibhanga.5.p5](https://indike.org/pramana/in.darsana.nyaya.nyayamanjari!granthibhanga.5.p5) · Pramāṇa