[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [A Cluster of Nyāya Flowers](https://indike.org/pramana/in.darsana.nyaya.nyayamanjari) › 1.1.331 # A Cluster of Nyāya Flowers 1.1.331 Nyāyamañjarī 1.1.331 - **Language:** Sanskrit ### [1.1.331](https://indike.org/pramana/in.darsana.nyaya.nyayamanjari.1.1.331) nanu sāmānyalakṣaṇakathanānantarameva vibhāgo vaktavyaḥ . sāmānyato vidite hi vibhāgaśaṅkā . evañca ekena sūtreṇobhayamekadā kathamavagantuṃ śakyate ? ityatrāha—vibhāgetyādi . samānyalakṣaṇaviśeṣalakṣaṇayorevāyaṃ niyamaḥ . siddhāntacchalavadubhayaṃ vā yugapadeva pratipādyate—iti tantreṇa āvṛttyā vā tadupapādane na kaściddoṣa iti .. pramāṇasaṅkhyāviṣayavipratipattiḥ āstāṃ tāvadidaṃ sūtre tantrāvṛttyādicintanam . catussaṅkhyā pramāṇeṣu nanu na kṣamyate paraiḥ .. nyūnādhikasaṅkhyāpratiṣedhena hi catvāri pramāṇāni pratiṣṭhāpyeran; sa ca durupapādaḥ . tathā hi—pratyakṣamevaikaṃ pramāṇamiti cārvākāḥ . pratyakṣānumāne dve eveti bauddhāḥ . pratyakṣamanumānamāptavacanaṃ ceti trīṇi pramāṇānīti sāṅkhyāḥ . ādhikyamapi pramāṇānāṃ mīmāṃsakaprabhṛtayaḥ pratipannavantaḥ . tatkathaṃ catvāryeva pramāṇānīti vibhāganiyamaḥ ? samādhānam ucyate—anumānaprāmāṇyaṃ varṇayantaḥ bārhaspatyaṃ tāvat upariṣṭāt pratikṣepsyāmaḥ . śabdasya cānumānavailakṣaṇyaṃ tallakṣaṇāvasara eva vakṣyata iti śākyapatho'pi na yuktaḥ .. na tu sāmānyalakṣaṇavibhāgayorityarthaḥ . tatra bhaharṣisaṃvādamevāha—siddhāntacchalavaditi . siddhāntasya chalasya ca svarūpalakṣaṇaparasūtre yathā tathetyarthaḥ . vyaktībhaviṣyatīdaṃ tatprakaraṇe .. - [Previous: 1.1.330](https://indike.org/pramana/in.darsana.nyaya.nyayamanjari.1.1.330) - [Next: 1.1.332](https://indike.org/pramana/in.darsana.nyaya.nyayamanjari.1.1.332) - [Up: 1.1](https://indike.org/pramana/in.darsana.nyaya.nyayamanjari.1.1) ## Linked texts (1) - [Bārhaspatyasūtra (fragments)](https://indike.org/pramana/in.darsana.nastika.carvaka.brhaspatisutra*fragments.1.10) — Sanskrit --- Source: [https://indike.org/pramana/in.darsana.nyaya.nyayamanjari.1.1.331](https://indike.org/pramana/in.darsana.nyaya.nyayamanjari.1.1.331) · Pramāṇa