[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [A Cluster of Nyāya Flowers](https://indike.org/pramana/in.darsana.nyaya.nyayamanjari) › 1.3.200 # A Cluster of Nyāya Flowers 1.3.200 Nyāyamañjarī 1.3.200 - **Language:** Sanskrit ### [1.3.200](https://indike.org/pramana/in.darsana.nyaya.nyayamanjari.1.3.200) tadā—ādyapravṛttau . vaiyarthya codyaṃ ca prāmāṇyaviṣayakam . samarthakāraṇajñānādityādikaṃ vivṛṇoti—ativikasiteti . idaṃ ca rolambanādasandehāpādanāya . parivādake—vīṇāvādake . samarthaṃ—tatkāryānukūlasāmarthyaviśiṣṭhaṃ tatrāpi nāpravṛttasya hetusāmarthyadarśanam . evameva pravṛttau tu niścitenāpi tena kim .. 67 .. tanniścayāt pravṛttau vā punaranyonyasaṃśraṭam . tanniścayāt pravṛttiḥ syāt pravṛttestadviniścayaḥ .. 68 .. prāmāṇyasvatastvopasaṃhāraḥ tadevaṃ na kutaścidapi prāmāṇyaniścayaḥ cakraketaretarāśrayānavasthāvaiyarthyādidūṣaṇātītasthitirastītyataḥ prāmāṇyaniścaye'pi na kiñcidapekṣate pramāṇam . ataścotpattau, svakāryakaraṇe, svaprāmāṇyaniścaye ca nirapekṣatvādapekṣātrayarahitatvātsvataḥprāmāṇyamiti siddham . taduktam ślo. vā. coda-47— svataḥ sarvapramāṇānāṃ prāmāṇyamiti gṛhyatām . na hi svato'satī śaktiḥ kartumanyena pāryate .. aprāmāṇyaparatastvopasaṃhāraḥ aprāmāṇyaṃ tūtpattau doṣāpekṣatvāt, svaniścaye bādhakapratyayādisāpekṣatvāt ubhayatrāpi parata ityuktameva . tasmāt pakṣatrayasyāyanupapatteścaturtha evāyaṃ pakṣaḥ śreyān—prāmāṇyaṃ svataḥ, aprāmāṇyaṃ parata iti .. prāmāṇyāprāmāṇyayoḥ paratastvaśaṅkā nanu ! cotpattivelāyāṃ na viśeṣo'vadhāryate . pramāṇetarayostena balādbhavati saṃśayaḥ .. 69 .. yatkāraṇaṃ, tadanumānāt prāmāṇyamavyabhicaritaṃ niścīyata iti bhāvaḥ . evameva—prāmāṇyaniścayāt pūrvameva .. - [Previous: 1.3.199](https://indike.org/pramana/in.darsana.nyaya.nyayamanjari.1.3.199) - [Next: 1.3.201](https://indike.org/pramana/in.darsana.nyaya.nyayamanjari.1.3.201) - [Up: 1.3](https://indike.org/pramana/in.darsana.nyaya.nyayamanjari.1.3) --- Source: [https://indike.org/pramana/in.darsana.nyaya.nyayamanjari.1.3.200](https://indike.org/pramana/in.darsana.nyaya.nyayamanjari.1.3.200) · Pramāṇa