[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [A Cluster of Nyāya Flowers](https://indike.org/pramana/in.darsana.nyaya.nyayamanjari) › 1.3.202 # A Cluster of Nyāya Flowers 1.3.202 Nyāyamañjarī 1.3.202 - **Language:** Sanskrit ### [1.3.202](https://indike.org/pramana/in.darsana.nyaya.nyayamanjari.1.3.202) pramāṇetarayoḥ—prāmāṇyāprāmāṇyayoḥ viśeṣaḥ ityanvayaḥ . uktamupa paricchittimātraṃ pramāṇakāryam . tacca yathā'rthetarapramitisādhāraṇaṃ rūpaṃ . sādhāraṇadharmagrahaṇaṃ ca saṃśayakāraṇamiti prasiddhaḥ panthāḥ . evaṃ sthite ca— pramāṇāntarasaṃvādavisaṃvādau vinā katham ? pramāṇetaranirṇītiḥ, ataśca parato dvayam .. 70 .. prāmāṇyāprāmāṇyayoḥ paratastvāsaṃbhavaḥ tadetadacaturasram . satyaṃ, paricchittireva pramāṇakāryam . sā punarupajāyamānaiva na sandehādidūṣitatanurupalabhyate ityautsargikaṃ prāmāṇyameva sā bhajate . arthaparicchedācca pravartamānaḥ pramātā pramāṇenaiva pravartito bhavati; na saṃśayātpravṛttaḥ . sthite caivamautsargike prāmāṇye, yatra tasyāpavādaḥ kvacidbhavati tatrāprāmāṇyam .. aprāmāṇyahetuḥ apramāṇye cāvaśyaṃbhāvyapavādaḥ . dvividha evāpavādaḥ—vādhakapratyayaḥ, kāraṇadoṣajñānaṃ ca . taduktaṃ bhāṣyakṛtā śāva.-bhā. 1-1-5 yatra duṣṭaṃ karaṇam, yatra ca mithyeti pratyayaḥ, sa evāsamīcīnaḥ pratyayaḥ; nānyaḥ iti . vārtikakāro'pyāha—ślo. vā. coda. 53 tasmādbodhātmakatvena prāptā buddheḥ pramāṇatā . arthānyathātvahetūtthadoṣajñānādapodyate iti .. tatra bādhakajñānaṃ pūrvajñānopamardadvāreṇaiva tasmin viṣaye jāyat iti samānaviṣayatvāt spaṣṭameva bādhakam .. pādayati—paricchittīti . jñeyapariccheda eva hi jñānasya kṛtyam . jñeyaṃ tatra sañcet pramā, no cet aprameti .. - [Previous: 1.3.201](https://indike.org/pramana/in.darsana.nyaya.nyayamanjari.1.3.201) - [Next: 1.3.203](https://indike.org/pramana/in.darsana.nyaya.nyayamanjari.1.3.203) - [Up: 1.3](https://indike.org/pramana/in.darsana.nyaya.nyayamanjari.1.3) ## Linked texts (2) - [Nyāyacandrikā](https://indike.org/pramana/in.darsana.advaita.vada.nyaya-khandana.nyayacandrika.1.p728) — Ānandapūrṇa Vidyāsāgara, Sanskrit - [Nyāyacandrikā](https://indike.org/pramana/in.darsana.advaita.nyayacandrika.1.p728) — Gaṅgādhara, Sanskrit --- Source: [https://indike.org/pramana/in.darsana.nyaya.nyayamanjari.1.3.202](https://indike.org/pramana/in.darsana.nyaya.nyayamanjari.1.3.202) · Pramāṇa