[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [A Cluster of Nyāya Flowers](https://indike.org/pramana/in.darsana.nyaya.nyayamanjari) › 2.6.202-207 # A Cluster of Nyāya Flowers 2.6.202-207 Nyāyamañjarī 2.6.202-207 - **Language:** Sanskrit ### [2.6.202](https://indike.org/pramana/in.darsana.nyaya.nyayamanjari.2.6.202) ataśca yaducyate paraiḥ— ### [2.6.203](https://indike.org/pramana/in.darsana.nyaya.nyayamanjari.2.6.203) sādharmyaṃ yadi hetuḥ syāt na vākyāṃśo na paṃcamī ### [2.6.204](https://indike.org/pramana/in.darsana.nyaya.nyayamanjari.2.6.204) iti—tadidamanupapannam—paṃcamyā arthātmakatve hetāvanupayogāt . tatrāpi vā tasyāssamarthitatvāt . vākyāṃśe lakṣaṇāntarakaraṇāt . taccedamidānīmucyate udāharaṇasādharmyāt sādhyasādhanaṃ hetuḥ . yathoktādudāharaṇasādharmyāt vivakṣādikrameṇa yadvacanaṃ pravartate, sa hetuḥ .. ### [2.6.205](https://indike.org/pramana/in.darsana.nyaya.nyayamanjari.2.6.205) yadyapi ca jñānasyāpyudāharaṇasādharmyāt kamaṃbhūtāt, karaṇātmakādvā bhavatyabhinirvṛttiḥ, tathāpi vākyāvayavakaraṇasāmarthyāt vacanamavasīyate .. ### [2.6.206](https://indike.org/pramana/in.darsana.nyaya.nyayamanjari.2.6.206) yadi vākyāvayavakaraṇamidam, kimarthaṃ tarhyarthavyutpādanam ?—uktamatra, tadaupayikatvāditi .. ### [2.6.207](https://indike.org/pramana/in.darsana.nyaya.nyayamanjari.2.6.207) sādhyasādhanagrahaṇaṃ vacanalakṣaṇe kimartham ? hetvābhāsavacananirasanam arthātmakahetunirasanādeva hi siddham—na hetvābhāsavacanavyavacchedārthaṃ tat . kintu hetuvacanaviśeṣapratipattyartham . na svarūpamātranirdeśakaṃ vacanam—kṛtakatvam ityevamādi prayoktavyam; api tu hetuvibhaktyantaṃ kṛtakatvāt iti, kṛtakatvena iti kṛtako'yamasmāt iti bā'bhidhātavyam . evaṃ hi tat sādhyasādhanaṃ bhavatīti .. ## Commentaries (1) - [Nyāyamañjarīgranthibhaṅga](https://indike.org/pramana/in.darsana.nyaya.nyayamanjari!granthibhanga.68.p32) — Cakradhara, Sanskrit --- Source: [https://indike.org/pramana/in.darsana.nyaya.nyayamanjari.2.6.202-207](https://indike.org/pramana/in.darsana.nyaya.nyayamanjari.2.6.202-207) · Pramāṇa