A Cluster of Nyāya Flowers 2.6.95-96
Nyāyamañjarī 2.6.95-96
- Language
- Sanskrit
2.6.95
yathā cānumānalakṣaṇe tatpūrvakaṃ iti pratibandhagrahaṇopāyamātraṃ pratipāditam, tatsvarūpaṃ tu avayavalakṣaṇe nirṇītaṃ udāharaṇasādharmyāt sādhya sādhanaṃ hetuḥ tathā vaidharmyāt iti; evamiha vādiprativādiprasiddhimātraṃ dṛṣṭāntasya darśitam . rūpaṃ tu tasya dvividhamapi tatraiva vakṣyate sādhyasādharmyāttaddharmabhāvī dṛṣṭānta udāharaṇam tadviparyayādvā viparītam iti ..
2.6.96
anityaḥ śabdaḥ kṛtakatvāt, yat kṛtakaṃ tadanityaṃ dṛṣṭama—yathā ghaṭa iti sādharmyadṛṣṭāntaḥ . yatpunaranityaṃ na bhavati; tat kṛtakamapi na bhavatyeva —yathā''kāśa iti vaidharmyadṛṣṭāntaḥ . yathoktalakṣaṇavaikalyāttu dṛṣṭāntābhāsatā bhavati ..
Commentaries (1)
- Nyāyamañjarīgranthibhaṅga — Cakradhara, Sanskrit