A Cluster of Nyāya Flowers 2.7.118-119
Nyāyamañjarī 2.7.118-119
- Language
- Sanskrit
2.7.118
siddhāntaśabdasyāpi samudāyavācinaḥ yadekadeśe'vasthāpanaṃ, tasyāpi viśeṣaviruddhavyavaccheda eva phalam ..
2.7.119
viśeṣaviruddhānāṃ hi hetvābhāsatvābhyupagame sarvānumānocchedaprasaṅgaḥ na hi tathāvidho heturiha jagati kaścidavāpyate, yaḥ sādhyasiddhaye'bhidhīyamānaḥ dharmasya vā dharmiṇo vā viśeṣaṃ na kaṃcana bādhate . tathāhi— anityaḥ śabdaḥ, kṛtakatvāt iti sakalatākikagṛhaprasiddha eṣa hetuḥ anityatāṃ sādhayannapi yadyatkṛtakam, tattadaśrāvaṇaṃ dṛṣṭam . yo yaḥ kṛtakaḥ sa sa vyomaviśeṣaguṇo na bhavati iti dharmiṇo viśeṣaṃ bādhata evetyahetuḥ syāt . na caivaṃ yuktamiti na viśeṣaviruddho nāma hetvābhāsaḥ abhyupagantavyaḥ; kintu sādhyasvarūpaviparyayasādhana eveti ..
Commentaries (1)
- Nyāyamañjarīgranthibhaṅga — Cakradhara, Sanskrit