A Cluster of Nyāya Flowers 2.8.131-132
Nyāyamañjarī 2.8.131-132
- Language
- Sanskrit
2.8.131
sarvabhāvānityatvaprasaṅgena pratyavasthānam—anityasamaḥ pratiṣedhaḥ . anityena ghaṭena sādharmyamasti śabdasyeti yadi tasyānityatvamucyate, tarhi sarvabhāvānāmapi ghaṭena kimapi sādharmyamastīti sarva evānityāḥ syuḥ ..
2.8.132
aviśeṣasanaiveyaṃ jātiriti cet—na—tatra hi sattābhiyogāt sarvabhāvānāmaviśeṣa āpāditaḥ, iha tu ghaṭasādharmyādevānityatvamāpādyata iti . udbhāvanabhaṅgibhedācca jātinānātvamityasakṛduktam ..
Commentaries (1)
- Nyāyamañjarīgranthibhaṅga — Cakradhara, Sanskrit