[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Nyāyasūtra](https://indike.org/pramana/in.darsana.nyaya.nyayasutra) › [Nyāyabhāṣya](https://indike.org/pramana/in.darsana.nyaya.nyayasutra!vatsyayana) › [Text of the Tokyo Indology Student Team](https://indike.org/pramana/in.darsana.nyaya.nyayasutra!vatsyayana*tokyo) › 43 # Commentary on the Nyāyasūtra 43 Text of the Tokyo Indology Student Team 43 - **Language:** Sanskrit ### [43.2](https://indike.org/pramana/in.darsana.nyaya.nyayasutra!vatsyayana*tokyo.43.2) iti vātsyāyanīye nyāyabhāṣye prathamādhyāyasya prathamāhnikam/ ### [43.3](https://indike.org/pramana/in.darsana.nyaya.nyayasutra!vatsyayana*tokyo.43.3) dvitīyāhnikam ### [43.4](https://indike.org/pramana/in.darsana.nyaya.nyayasutra!vatsyayana*tokyo.43.4) tisraḥ kathā bhavanti --- vādo jalpo vitaṇḍā ceti/ tāsām --- ### [43.5](https://indike.org/pramana/in.darsana.nyaya.nyayasutra!vatsyayana*tokyo.43.5) pramāṇatarkasādhanopālambhaḥ siddhāntāviruddhaḥ pañcāvayavopapannaḥ pakṣapratipakṣaparigraho vādaḥ || ### [43.6](https://indike.org/pramana/in.darsana.nyaya.nyayasutra!vatsyayana*tokyo.43.6) ekādhikaraṇasthau viruddhau dharmau pakṣapratipakṣau pratyanīkabhāvāt, asty ātmā nāsty ātmeti/ ### [43.7](https://indike.org/pramana/in.darsana.nyaya.nyayasutra!vatsyayana*tokyo.43.7) % -tmeti\] p.336 nānādhikaraṇasthau viruddhau na pakṣapratipakṣau, yathā --- nitya ātmā anityā buddhir iti/ parigraho 'bhyupagamavyavasthā/ so 'yam pakṣapratipakṣaparigraho vādaḥ/ tasya viśeṣanaṃ pramāṇatarkasādhanopālambhaḥ, pramāṇais tarkeṇa ca sādhanam upālambhaś cāsmin kriyata iti/ sādhanaṃ sthāpanā/ upālambhaḥ pratiṣedhaḥ/ tau sādhanopālambhāv ubhayor api pakṣayor vyatiṣaktāv anubaddhau ca yāvad eko nivṛtta ekataro vyavasthita iti nivṛttasyopālambho vyavasthitasya sādhanam iti/ ### [43.8](https://indike.org/pramana/in.darsana.nyaya.nyayasutra!vatsyayana*tokyo.43.8) % ubhayor api ... sādhanam iti/\] p.339 jalpe nigrahasthānaviniyogād vāde tatpratiṣedhaḥ/ pratiṣedhe kasyacid abhyanujñānārthaṃ siddhāntāviruddha iti vacanam/ ### [43.9](https://indike.org/pramana/in.darsana.nyaya.nyayasutra!vatsyayana*tokyo.43.9) % siddhāntāviruddha iti vacanam/\] p.340 \`\`siddhāntam abhyupetya tadvirodhī viruddha'' iti hetvābhāsasya nigrahasthānasyābhyanujñā vāde/ pañcāvayavopapanna iti ### [43.10](https://indike.org/pramana/in.darsana.nyaya.nyayasutra!vatsyayana*tokyo.43.10) \`\`hīnam anyatamenāpy avayavena nyūnam'' \`\`hetūdāharaṇādhikam adhikam'' iti caitayor abhyanujñānārtham iti/ avayaveṣu pramānatarkāntarbhāve pṛthak pramāṇatarkagrahaṇaṃ sādhanopālambhavyatiṣaṅgajñāpanārtham/ anyathobhāv api pakṣau sthāpanāpravṛttau vāda iti syāt/ ### [43.11](https://indike.org/pramana/in.darsana.nyaya.nyayasutra!vatsyayana*tokyo.43.11) % pravṛttau vāda iti syāt/\] p.342 antareṇāpi cāvayavasambandhaṃ pramāṇāny arthaṃ sādhayantīti dṛṣṭam, tenāpi kalpena sādhanopālambhau vāde bhavata iti jñāpayati/ \`\`chalajātinigrahasthānasādhanopālambho jalpa'' iti vacanād vinigraho jalpa iti mā vijñāyi, chalajātinigrahasthānasādhanopālambha eva jalpaḥ pramāṇatarkasādhanopālambho vād eveti mā vijñāyīty evamarthaṃ pṛthak pramānatarkagrahaṇam iti// 1 // ## Linked texts (5) - [Nyāyamañjarī](https://indike.org/pramana/in.darsana.nyaya.nyayamanjari.2.7.70) — Jayanta Bhaṭṭa, Sanskrit - [Vedāntakaumudī](https://indike.org/pramana/in.darsana.advaita.vedantakaumudi.4.p12) — Vallabha Deva, Sanskrit - [Vedāntakaumudī](https://indike.org/pramana/in.darsana.advaita.sastra.vedantakaumudi.4.p12) — Rāmadvaya, Sanskrit - [Nyāyasāra](https://indike.org/pramana/in.darsana.nyaya.prakarana.nyayasara.2.p15) — Bhāsarvajña, Sanskrit - [Tārkikarakṣā](https://indike.org/pramana/in.darsana.nyaya.prakarana.tarkikaraksa.1.77-2) — Varadarāja, Sanskrit --- Source: [https://indike.org/pramana/in.darsana.nyaya.nyayasutra!vatsyayana*tokyo.43](https://indike.org/pramana/in.darsana.nyaya.nyayasutra!vatsyayana*tokyo.43) · Pramāṇa