Commentary on the Nyāyasūtra 491
Text of the Tokyo Indology Student Team 491
- Language
- Sanskrit
491.2
asyottaram ---
491.3
anupalambhāatmakatvād anupalabdher ahetuḥ ||
491.4
āvaraṇādyanupalabdhir nāsti, anupalambhād ity ahetuḥ/ kasmāt? anupalambhātmakatvād anupalabdheḥ/ upalambhābhāvamātratvād anupalabdheḥ/ yad asti tad upalabdher viṣayaḥ, upalabdhyā tad astīti pratijñāyate/ yan nāsti tad anupalabdher viṣayaḥ, anupalabhyamānaṃ nāstīti pratijñāyate/ so 'yam āvaraṇādyanupalabheḥ anupalambha upalabdhyabhāve 'nupalabdhau svaviṣaye pravarttamāno na svaviṣayaṃ pratiṣedhati/
491.5
apratiṣiddhā cāvaraṇādyanupalabdhir hetutvāya kalpate/ āvaraṇādīni tu vidyamānatvād upalabdher viṣayāḥ, teṣām upalabdhyā bhavitavyam/ yat tāni nopalabhyante, tad upalabdheḥ svaviṣayapratipādikāyā abhāvād anupalambhād anupalabdher viṣayo gamyate --- na santy āvaraṇādīni śabdasyāgrahaṇakāraṇānīti/ anupalambhāt tv anupalabhiḥ sidhyati, viṣayaḥ sa tasyeti//30//