[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Nyāyasūtra](https://indike.org/pramana/in.darsana.nyaya.nyayasutra) › [Nyāyabhāṣya](https://indike.org/pramana/in.darsana.nyaya.nyayasutra!vatsyayana) › [Text of the Tokyo Indology Student Team](https://indike.org/pramana/in.darsana.nyaya.nyayasutra!vatsyayana*tokyo) › 507 # Commentary on the Nyāyasūtra 507 Text of the Tokyo Indology Student Team 507 - **Language:** Sanskrit ### [507.3](https://indike.org/pramana/in.darsana.nyaya.nyayasutra!vatsyayana*tokyo.507.3) pratijñātārthapratiṣedhe dharmavikalpāt tadarthanirdeśaḥ pratijñāntaram || ### [507.4](https://indike.org/pramana/in.darsana.nyaya.nyayasutra!vatsyayana*tokyo.507.4) pratijñātārtho \`\`anityaḥ śabda aindriyakatvād ghaṭavad'' ity ukte yo 'sya pratiṣedhaḥ pratidṛṣṭāntena hetuvyabhicāraḥ --- sāmānyam aindriyakaṃ nityam iti, tasmiṃś ca pratijñātārthapratiṣedhe, \`\`dharmavikalpād'' iti dṛṣṭāntapratidṛṣṭāntayoḥ sādharmyayoge dharmabhedāt sāmānyam aindriyakaṃ sarvagatam aindriyakas tv asarvagato ghaṭa iti dharmavikalpāt, \`\`tadarthanirdeśa'' iti sādhyasiddhyartham/ katham? yathā ghaṭo 'sarvagata evaṃ śabdo 'py asarvagato ghaṭavad evānitya iti/ ### [507.5](https://indike.org/pramana/in.darsana.nyaya.nyayasutra!vatsyayana*tokyo.507.5) tatrānityaḥ śabda iti pūrvā pratijñā, asarvagata iti dvitīyā pratijñā pratijñāntaram/ tat kathaṃ nigrahasthām iti? na pratijñāyāḥ sādhanaṃ pratijñāntaram, kiṃ tu hetudṛṣṭāntau sādhanaṃ pratijñāyāḥ, tad etad asādhanopādānam anarthakam iti/ ānarthakyān nigrahasthānam iti//3// ## Linked texts (4) - [Vādanyāya (ed. M. T. Much, Wien 1991 (input by Motoi Ono))](https://indike.org/pramana/in.bauddha.sanskrit.darsana.pramana.vadanyaya*much.2.2.2617) — Sanskrit - [Nyāyasāra](https://indike.org/pramana/in.darsana.nyaya.prakarana.nyayasara.2.p93) — Bhāsarvajña, Sanskrit - [Nyāyapariśiṣṭa](https://indike.org/pramana/in.darsana.nyaya.nyayaparisista.2.p8) — Udayana, Sanskrit - [Lakṣaṇamālā](https://indike.org/pramana/in.darsana.nyaya.prakarana.laksanamala.3.1) — Udayana, Sanskrit --- Source: [https://indike.org/pramana/in.darsana.nyaya.nyayasutra!vatsyayana*tokyo.507](https://indike.org/pramana/in.darsana.nyaya.nyayasutra!vatsyayana*tokyo.507) · Pramāṇa