[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.10 # The Bud of Nyāya 1.10 Nyāyakalikā 1.10 - **Language:** Sanskrit ### [1.10](https://indike.org/pramana/in.darsana.nyaya.prakarana.nyayakalika.1.10) gosadṛśaḥ piṇḍa iti | aprasiddhaviśeṣaṇaḥ-śaśaśṛṅgavidīrṇeyambhūmiriti | aprasiddhaviśeṣyo yathā śaśaśṛṅgantīkṣṇamiti | aprasiddhobhayaṃ yathā-śaśaśṛṅgadhanurdharo'yaṃ bandhyāsuta iti | yatrāpi viśeṣaṇaviśeṣyayoḥ pramāṇāntara eva siddhiḥ tatrāpi sādhyatvābhāvena prayogāvasarābhāvān pakṣābhāsataiva | tuhinaṃ śītalamagniruṣṇa iti ye caite pakṣadoṣā ye ca vakṣyamāṇadṛṣṭāntadoṣāste vastusthityā hetudoṣā eva | na hi pakṣadṛṣṭāntamātrapratiṣṭho vādo bhavati | ata eva sūtrakṛtā hetvābhāsā eva śāstre lakṣitāḥ na pakṣābhāsā iti liṅgavacanaṃ hetuḥ | liṅgaṃ vyākhyātam | tasya viśiṣṭatribhaktyantaṃ vacanaṃ heturityucyate | yathā kṛtakatvādityādi sa ca dvividhaḥ | udāharaṇasādharmyeṇa udāharaṇavaidharmyeṇa ca | anvayavyatirekavān prathamaḥ | kevalavyatirekī dvitīyaḥ | kevalānvayī heturnāstyeva | apañcalakṣaṇasya hetutvābhāvāt | kevalavyatirekī tu kvacid viṣaye'nvayavyatirekamūlaḥ pravartate nātyantamanvayavāhyaḥ | yathā ātmani icchādigataṃ kāryatvaṃ saviśeṣaṇam | tatra hyanvayavyatirekiṇā kāryamātreṇāśrayamātreṇānumīyate | icchādi kvacidāśritaṃ kāryatvād ghaṭavaditi | tataḥ sa eva kāryatvaṃ hetuḥ saviśeṣaṇa ātmasiddhau prayujyate | dehādivilakṣaṇāśrayāśritamicchādi dehādiṣu bādhakapramāṇopapattau satyāṃ kāryyatvāt | yatra śarīrādivyatiriktāśrayāśritatva nāsti tatra saviśeṣaṇaṃ kāryyatvamapi nāsti yathā ghaṭādau śarīratvajātau veti - [Previous: 1.9](https://indike.org/pramana/in.darsana.nyaya.prakarana.nyayakalika.1.9) - [Next: 1.11](https://indike.org/pramana/in.darsana.nyaya.prakarana.nyayakalika.1.11) - [Up: 1](https://indike.org/pramana/in.darsana.nyaya.prakarana.nyayakalika.1) --- Source: [https://indike.org/pramana/in.darsana.nyaya.prakarana.nyayakalika.1.10](https://indike.org/pramana/in.darsana.nyaya.prakarana.nyayakalika.1.10) · Pramāṇa