[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.14 # The Bud of Nyāya 1.14 Nyāyakalikā 1.14 - **Language:** Sanskrit ### [1.14](https://indike.org/pramana/in.darsana.nyaya.prakarana.nyayakalika.1.14) nirākaraṇāt | anirvākriyamāṇe ca tasmin tattvajñānāsthāśaithilyaṃ śiṣyāṇāṃ syāditi jalpavitaṇḍayorupadeśaḥ ahetavo hetuvadavabhāsamānāḥ hetvābhāsāḥ | hetoḥ pañca lakṣaṇāni pakṣadharmatvādīni uktāni | teṣāmekaikāpāye pañca hetvābhāsā bhavanti | asiddha-viruddha-anaikāntika-kālātyayāpadiṣṭaprakaraṇasamāḥ tatra pakṣadharmatvaṃ yasya nāsti so'siddhaḥ | yathānityaḥ śabdaḥ cākṣuṣatvāditi | sa cāyamanekaprakāraḥ | ubhayāsiddho'yamudāhṛtaḥ | anyatarāsiddho yathā mīmāṃsakampratianityaḥ śabdaḥ kṛtakatvāditi | sa kañcitkālaṃ hetvābhāso bhavati | vādinā tu sādhite hetutāmaśnute | asādhitastūmayāsiddhatvameva yāti | sandigdhāsiddho-yathā agnimānayaṃ pradeśo vāṣpādibhāvasandigdhadhūmakatvāditi | āśrayāsiddhastu avidyamāne dharmiṇi hetuḥ prayujyamāno bhavati | śīlavān bandhyāsutaḥ śrutādhyayanasampannatvāditi | bhāgāsiddho yathā-nityāḥ paramāṇavo gandhavattvāditi | sapakṣe sattvaṃ yasya nāsti vipakṣe ca vṛttirasti sa sādhyaviparyayasādhanatvād viruddho bhavati | yathā'śvo'yaṃ viṣāṇitvāditi | sādhyaviparyayasādhanatvameva virūddhatvaṃ hetoḥ | na tu viśeṣaviparyayasādhanatvam | evamiṣyamāṇe sarvānumānocchedaprasaṅgāt | dhūmasyāpi mahānasāvagataviśeṣaviparyayasādhanatvaṃ parvatavartino vidyate eva vipakṣādaparicyutaḥ pakṣasapakṣayorvartamāno hetuḥ savyabhicāritvādanaikāntiko bhavati| yathā nityaḥśabdaḥ prameyatvād vyomavaditi | sa - [Previous: 1.13](https://indike.org/pramana/in.darsana.nyaya.prakarana.nyayakalika.1.13) - [Next: 1.15](https://indike.org/pramana/in.darsana.nyaya.prakarana.nyayakalika.1.15) - [Up: 1](https://indike.org/pramana/in.darsana.nyaya.prakarana.nyayakalika.1) ## Linked texts (2) - [Nyāyamañjarī](https://indike.org/pramana/in.darsana.nyaya.nyayamanjari.2.7.84) — Jayanta Bhaṭṭa, Sanskrit - [Nyāyasāra](https://indike.org/pramana/in.darsana.nyaya.prakarana.nyayasara.1.p75) — Bhāsarvajña, Sanskrit --- Source: [https://indike.org/pramana/in.darsana.nyaya.prakarana.nyayakalika.1.14](https://indike.org/pramana/in.darsana.nyaya.prakarana.nyayakalika.1.14) · Pramāṇa