[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.17 # The Bud of Nyāya 1.17 Nyāyakalikā 1.17 - **Language:** Sanskrit ### [1.17](https://indike.org/pramana/in.darsana.nyaya.prakarana.nyayakalika.1.17) samyag hetau hetvābhāse vā prayukte jhaṭiti tadoṣatattvāpratibhāse tu pratibimbanaprāyaṃ kimapi pratyavasthānaṃ jātirityucyate sā caturviṃśatibhedā | sādharmyādipratyavasthānabhedena sādharmyavaidharmyotkarṣāpakarṣavarṇyavarṇyavikalpasādhyaprāptyaprāptiprasaṅgapratidṛṣṭāntānutpattisaṃśayaprakaraṇāhetvarthāpattyaviśeṣopapattyupalabdhyanupalabdhinityānityakāryasamāḥ sādharmyeṇa samavasthānaṃ sādharmyasamā jātirbhavati | anityaḥ śabdaḥ kṛtakatvāditi prayoge kṛte sādharmyaprayogeṇaiva pratyavasthānam-nityaḥ śabdo niravayavatvādākāśavaditi | na tathā'sti viśeṣahetuḥ ghaṭasādharmyāt kṛtakatpādanityaḥ śabdaḥ na punarākāśasādharmyānnitya iti vaidharmyeṇa pratyavasthānaṃ vaidharmyasamā jātirbhavati | anityaḥ śabdaḥ kṛtakatvād ghaṭavadityatraiva prayoge sa eva pratipattiheturvaidharmyeṇa prayujyate | nityaḥ śabdaḥ kṛtakatvāt-anityaṃ hi sāvayavaṃ dṛṣṭaṃ ghaṭādi | na cāsti viśeṣaheturghaṭasādharmyāt kṛtakatpādanityaḥ śabdo na punastadvaidharmyānniravayavatvānnitya iti utkarṣāpakarṣābhyāṃ pratyavasthānamutkarṣāpakarṣasame jātī bhavataḥ | tathaiva prayoge dṛṣṭāntadharmaṃ kaścit sādhyadharmiṇi āpādayan utkarṣasamāṃ jātiṃ prayuṅkte | yadi ghaṭavat kṛtakatvādanityaḥ śabdastadā ghaṭavadeva mūrttopi bhavatu, na cenmūrtto ghaṭavadnityopi mā bhūditi śabde dharmāntaròtkarṣamāpādayati | apakarṣastu-ghaṭaḥ kṛtakaḥ san na śrāvaṇo dṛṣṭaḥ| evaṃ śabdo'pyastu na ced ghaṭavadanityo'pi mā bhūditi śabde śrāvaṇatvamapakarṣatīti | varṇyāvarṇyābhyāṃ pratyavasthānaṃ varṇyāvarṇyasame jātī bhavataḥ - [Previous: 1.16](https://indike.org/pramana/in.darsana.nyaya.prakarana.nyayakalika.1.16) - [Next: 1.18](https://indike.org/pramana/in.darsana.nyaya.prakarana.nyayakalika.1.18) - [Up: 1](https://indike.org/pramana/in.darsana.nyaya.prakarana.nyayakalika.1) ## Linked texts (2) - [Nyāyamañjarī](https://indike.org/pramana/in.darsana.nyaya.nyayamanjari.2.8.8) — Jayanta Bhaṭṭa, Sanskrit - [Text of the Tokyo Indology Student Team](https://indike.org/pramana/in.darsana.nyaya.nyayasutra!vatsyayana*tokyo.462.3) — Sanskrit --- Source: [https://indike.org/pramana/in.darsana.nyaya.prakarana.nyayakalika.1.17](https://indike.org/pramana/in.darsana.nyaya.prakarana.nyayakalika.1.17) · Pramāṇa