[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.18 # The Bud of Nyāya 1.18 Nyāyakalikā 1.18 - **Language:** Sanskrit ### [1.18](https://indike.org/pramana/in.darsana.nyaya.prakarana.nyayakalika.1.18) khyāpanīyo varṇyaḥ sādhyadharmaḥ | tadviparyayādavarṇyaḥ siddho dṛṣṭāntadharmaḥ | tāvetau varṇyāvarṇyau sādhyadṛṣṭāntadharmau viparyasyan varṇyāvarṇyasame jātī prayuṅkte | yathāvidhaḥ śabdadharmaḥ kṛtakatvādina tādṛg ghaṭadharmaḥ | yādṛk ca ghaṭadharmo na tādṛk śabdadharma iti yadi śabdo nityatvena varṇyate sādhyate, ghaṭo'pi varṇyatāmiti varṇyasamā | ghaṭaścenna varṇyate śabdo'pi mā varṇīti avarṇyasamā | dharmāntaravikalpena pratyavasthānaṃ vikalpasamā jātiḥ | yathā kṛtakaṃ kiñcin mṛdu dṛṣṭaṃ ugalarāṅkavaśayyādi ( ? ) kiñcit kaṭhinaṃ kuṭhārādi | evaṃ kṛtakaṃ kiñcidanityaṃ ghaṭādi, kiñcinnityaṃ śabdādi iti | sādhyasāmyāpādanena pratyavasthānaṃ sādhyasamā jātirbhavati | yadi yathā ghaṭastathā śabdaḥ prāptastarhi yathā śabdastathā ghaṭa iti | śabdaśca sādhya iti ghaṭo'pi sādhyo bhavati | tataśca sādhyaḥ sādhanasya dṛṣṭāntaḥ syāt na cedevaṃ tathā'pi vailakṣaṇyāt sutarāmadṛṣṭānta iti | prāptyaprāptivikalpābhyāṃ pratyavasthānaṃ prāptyaprāptisame jātī bhavataḥ yadetat kṛtakatvaṃ tvayā sādhanamupanyastaṃ tat kiṃ prāpya sādhyaṃ sādhayati aprāpya vā | prāpya ced, dvayorvidyamānayoreva prāptirbhavati na sadasatoriti dvayośca sattvāt kiṃ kasya sādhanaṃ sādhyaṃ vā | aprāpya tu sādhanatvamayuktamiti | prasaṅgāpādanena pratyavasthānaṃ prasaṅgasamā jātirbhavati | yadyanityatve kṛtakatvaṃ sādhanaṃ kṛtakatvasyedānīṃ kiṃ sādhanam | tatsādhane'pi kiṃ sādhanamiti pratidṛṣṭāntena pratyavasthānaṃ pratidṛṣṭāntasamā jātiḥ | anityaḥ śabdaḥ prayatnanāntarīyakatvād ghaṭavadityukte jātivādyāha-yathā - [Previous: 1.17](https://indike.org/pramana/in.darsana.nyaya.prakarana.nyayakalika.1.17) - [Next: 1.19](https://indike.org/pramana/in.darsana.nyaya.prakarana.nyayakalika.1.19) - [Up: 1](https://indike.org/pramana/in.darsana.nyaya.prakarana.nyayakalika.1) ## Linked texts (3) - [Nyāyamañjarī](https://indike.org/pramana/in.darsana.nyaya.nyayamanjari.2.8.43) — Jayanta Bhaṭṭa, Sanskrit - [Nyāyasāra](https://indike.org/pramana/in.darsana.nyaya.prakarana.nyayasara.2.p55) — Bhāsarvajña, Sanskrit - [Ṣaḍdarśanasamuccaya](https://indike.org/pramana/in.darsana.all.saddarsanasamuccaya.3.32) — Haribhadra Sūri, Sanskrit --- Source: [https://indike.org/pramana/in.darsana.nyaya.prakarana.nyayakalika.1.18](https://indike.org/pramana/in.darsana.nyaya.prakarana.nyayakalika.1.18) · Pramāṇa