[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.1 # The Bud of Nyāya 1.1 Nyāyakalikā 1.1 - **Language:** Sanskrit ### [1.1](https://indike.org/pramana/in.darsana.nyaya.prakarana.nyayakalika.1.1) ry of Vāchaspati Miśra. namaḥ śāśvatikānandajñānaiśvaryamayātmane saṅkalpasakalabrahmastambhārambhāya śambhave pramāṇaprameyasaṃśayaprayojanadṛṣṭāntasiddhāntāvayavatarkanirṇayavādajalpavitaṇḍāhetvābhāsacchalajātinigrahasthānānāntattvajñānānniḥśreyasādhigamaḥ tatra pramīyate'neneti pramāṇam | pramīyata iti pramā pramitiḥ pratītiḥ upalabdhiḥ jñānaṃ janyate ityarthaḥ | tena jñānasya pramāṇaṃ janakaṃ kārakamuktambhavati | karaṇavyutpatteśca kartṛkarmavilakṣaṇametadveditavyam | jñānamapi jñānāntarajanmani yad vyāpriyate tadapi pramāṇameva | tato'nyattu phalam | yaccārthaviṣayamasandigdhamavyabhicāri ca tajjñānampramāṇaphalam, na smaraṇasaṃśayaviparyayātmakamiti | taccaturvidhampramāṇam - pratyakṣānumānopamānaśabdā iti tatrendriyaviṣaye'rthe yadindriyaikakaraṇamasaṃśayasmaraṇamaviparyayañca jñānaṃ tatpratyakṣam | tasya janakaṃ kāraṇaṃ indriyādi pramāṇam | tajjanyaṃ jñānaṃ phalam | tadapi jñānamindriyaviṣaye'rthe hānopādānopekṣājñānāni janayat pratyakṣapramāṇatāmaśnute | smṛtijñānamanarthajatvādapramāṇam | agṛhītagrāhitvañcaiva pramāṇatāyāḥ - [Next: 1.2](https://indike.org/pramana/in.darsana.nyaya.prakarana.nyayakalika.1.2) - [Up: 1](https://indike.org/pramana/in.darsana.nyaya.prakarana.nyayakalika.1) ## Linked texts (1) - [Nyāyamañjarī](https://indike.org/pramana/in.darsana.nyaya.nyayamanjari.1.1.1) — Jayanta Bhaṭṭa, Sanskrit --- Source: [https://indike.org/pramana/in.darsana.nyaya.prakarana.nyayakalika.1.1](https://indike.org/pramana/in.darsana.nyaya.prakarana.nyayakalika.1.1) · Pramāṇa