[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.2 # The Bud of Nyāya 1.2 Nyāyakalikā 1.2 - **Language:** Sanskrit ### [1.2](https://indike.org/pramana/in.darsana.nyaya.prakarana.nyayakalika.1.2) prayojakam | saṃśayajñānantu indriyārthasannikarṣotpannamapi na pramāṇam arthasyā'niścayāt | viparyaye tu atadrūpastadrūpatayā pratibhātīti kathantat pramāṇam | indriyaikakāraṇatvācca pratyakṣajñānasyāptopadeśendriyābhyāṃ sambhūya yadrūpañjanyate jñānaṃ-panasaśabdavācyo'yamiti-tadapratyakṣam | śābdaṃ hi tat | yattu smaraṇottarakālaṃ śabdayojanayā gaurityādikaṃ savikalpakaṃ jñānambhavati tannirvikalpakavadindriyānuvidhāyitvātpratyakṣam | cakṣurādivadantaḥkaraṇasyāpi manasa indriyatvāt sukhādiviṣayajñānamapi pratyakṣaviṣayam pañcalakṣaṇakālliṅgālliṅgini jñānamupamānam | pakṣadharmatvaṃ sapakṣe sattvaṃ vipakṣādvyāvṛttiḥ abādhitaviṣayatvam asatpratipakṣatvaṃ ceti | sisādhayiṣitadharmaviśiṣṭadharmī pakṣaḥ, taddharmatvampakṣadharmatvam | sādhyadharmayogena nirjñātaṃ dharmyantaraṃ sapakṣaḥ, tatrāstitvaṃ sapakṣe sattvam | sādhyadharmasaṃsparśaśūnyo dharmī vipakṣaḥ, tato vyāvṛttirvipakṣādvyāvṛttiḥ | anumeyasyārthasya pratyakṣeṇa vā ''gamenānapaharaṇamabādhitaviṣayatvam | saṃśayabījabhūtenānumānena rahitatvamasatpratipakṣatvam | etaiḥ pañcabhirlakṣaṇairupapannaṃ liṅgam | eteṣu pañcasu lakṣaṇeṣu vinābhāvaḥ samāpyate | avinābhāvo vyāptirniyamaḥ pratibandhaḥ sādhyāvinābhāvitvamityarthaḥ sa ca pratibandhaḥ pūrvagṛhītaḥ san smaryamāṇo liṅgipratīteḥ kāraṇam | tasya grahaṇaṃ pratyakṣānupalambhasahāyānmānasātpratyakṣāt - [Previous: 1.1](https://indike.org/pramana/in.darsana.nyaya.prakarana.nyayakalika.1.1) - [Next: 1.3](https://indike.org/pramana/in.darsana.nyaya.prakarana.nyayakalika.1.3) - [Up: 1](https://indike.org/pramana/in.darsana.nyaya.prakarana.nyayakalika.1) ## Linked texts (1) - [Nyāyamañjarī](https://indike.org/pramana/in.darsana.nyaya.nyayamanjari.1.2.524) — Jayanta Bhaṭṭa, Sanskrit --- Source: [https://indike.org/pramana/in.darsana.nyaya.prakarana.nyayakalika.1.2](https://indike.org/pramana/in.darsana.nyaya.prakarana.nyayakalika.1.2) · Pramāṇa