[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [The Bud of Nyāya](https://indike.org/pramana/in.darsana.nyaya.prakarana.nyayakalika) › 1.9 # The Bud of Nyāya 1.9 Nyāyakalikā 1.9 - **Language:** Sanskrit ### [1.9](https://indike.org/pramana/in.darsana.nyaya.prakarana.nyayakalika.1.9) yathā pramāṇañcākṣuṣamiti| samānatantrasiddhaḥ paratantrāsiddhaḥ pratitantrasiddhāntaḥ | yathā paramāṇavaḥ padārtha iti | samānatantre kāṇāde ca siddho'yamarthaḥ paratantre sāṅkhyādiśāstre'siddha iti yasminnarthe sidhyati tadanuyāyīnyarthāntarāṇyapi sidhyanti so 'dhikaraṇasiddhāntaḥ | yathā indriyavyatirikta ātmā darśanasparśanābhyāmekārthagrahaṇāditi asminnarthe sidhyati guṇavyatiriktau guṇo niyataviṣayāṇīndriyāṇi ityādīnyarthāntarāṇyapi sidhyanti | aparīkṣito'pi kaścidartho buddhayatiśayacikhyāpayiṣayā prauḍhavādibhistathetyabhyupagamyamāno'bhyupagamasiddhāntaḥ yathā astu dravyaṃ śabdaḥ tathā'pyanitya iti | sa cāyaṃ caturvidho'pi siddhānto nyāyasyāśraya iti pṛthagupadiśyate sādhanīyasyārthasya yāvatā vākyena parasmai pratipādanaṃ kriyate tasya pañca bhāgāḥ pratijñādayo'vayavāḥ | pratijñā heturudāharaṇamupanayo nigamanamiti | tatra sādhyadharmaviśiṣṭasya dharmiṇo nirdeśaḥ pratijñā | yathā nityaḥ śabda iti | eṣa eva pakṣa ucyate | pakṣe lakṣite'rthāt pakṣābhāsāḥ pratyakṣaviruddhādayaḥ pratikṣiptā bhavanti | tadyathā anuṣṇo'gniriti pratyakṣaviruddhaḥ pakṣaḥ | anumānaviruddho-yathā na cakṣū rūpaṃ gṛhṇāti śabdaviruddhāstu bahuprakārāḥ | brāhmaṇena surā peyetyāgamaviruddhaḥ | na candraḥ śaśīti lokaprasiddhiviruddhaḥ | nityaḥ śabda iti bauddhasya svasiddhāntaviruddhaḥ | jananī me bandhyā pitā me bālavrahmacārīti dharmidharmapadayoreva vipratipedhāt svavacanaviruddhaḥ | upamānaviruddhastu na gavayaśabdavācyo'yaṃ - [Previous: 1.8](https://indike.org/pramana/in.darsana.nyaya.prakarana.nyayakalika.1.8) - [Next: 1.10](https://indike.org/pramana/in.darsana.nyaya.prakarana.nyayakalika.1.10) - [Up: 1](https://indike.org/pramana/in.darsana.nyaya.prakarana.nyayakalika.1) --- Source: [https://indike.org/pramana/in.darsana.nyaya.prakarana.nyayakalika.1.9](https://indike.org/pramana/in.darsana.nyaya.prakarana.nyayakalika.1.9) · Pramāṇa