[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Logic and epistemology](https://indike.org/pramana/in.darsana.nyaya) › [Manuals and primers](https://indike.org/pramana/in.darsana.nyaya.prakarana) › [Tarkikaraksha](https://indike.org/pramana/in.darsana.nyaya.prakarana.tarkikaraksa) › 4.2-2 # Tarkikaraksha 4.2-2 Tārkikarakṣā 4.2-2 - **Language:** Sanskrit ### [4.2-2](https://indike.org/pramana/in.darsana.nyaya.prakarana.tarkikaraksa.4.2-2) tyanaikāntikatvena pratyukte tarhi śabdopi nityaḥ syāditi | dvitīyastu tasminneva hetau tathaiva pratyukte tarhi kṛtakatvādastviti | tṛtīyastu anitye vāṅmanase mūrtatvādityukte bhāgāsiddhyā ca pratyukte tarhi mana evāstviti | caturthastu kṣityādikaṃ buddhimatkartṛpūrvakamityukte upādānādigocarajñānacikīrṣāprayatnavata eva kartṛtvādabuddhimaditi viśeṣaṇavaiyarthye 'bhihite tarhi sakartṛkamevāstviti | pañcamastu anityaḥ śabdaḥ prayatnakāryatvādityukte viśeṣaṇavaiyarthyoktau tatparityāgaḥ | ṣaṣṭhastu aindriyakaḥ śabdo nityaḥ kāryatvādityukte tathaiva pratyukte śabda evāstviti dṛṣṭānte 'pi hāniḥ pūrvavat ṣaṭ prakārāḥ ādyo yathā | anityaḥ śabdaḥ aindriyakatvāt ghaṭavadityukte sāmānyenānaikāntikatvodbhāvane ghaṭo'pi tarhi nityo'stviti | dvitīyastu tasyāmeva pratijñāyāṃ pratyakṣaguṇatvād dyaṇukūpavadityukte sādhanavaikalyodbhāvane kāryatvahetvādhāratayā sa eva dṛṣṭānta tadabhāvārthamityukte sati dṛṣṭānte cādyadvitīyādiiti | tṛtīyastu tasminneva dṛṣṭānte tathaiva pratyukte ghaṭarūpaṃ tarhi bhaviṣyatīti | yathā ca sādharmyadṛṣṭāntatvena pratyukte mābhūdayaṃ vaidharmyadṛṣṭānto'stviti caturthastu yatkāryaṃ tadbuddhimatkartṛpūrvakaṃ yathā ghaṭa ityudāhṛte pūrvavadviśeṣaṇavaiyarthyoktau tatparityāgaḥ pañcamastu yatprayatnakāryaṃ tadanityaṃ yathā ghaṭa ityukte prayatnaviśeṣaṇasya vaiyarthyoktau tyāgaḥ | ṣaṣṭhastu yathā sthūlapadānarthakyodbhāvane tasya tyāgaḥ dūṣaṇahānistu svarūpato viśeṣaṇataśca dvidhā tatrādyo yathā | anityaḥ śabdaḥ kṛtakatvādityukte anaikāntikatvodbhāvane niranuyojyānuyogatvena dūṣite svarūpāsiddhistarhīti | dvitīyastu svarūpāsiddhiparihāre vyāpyatvāsiddhistarhīti nanu yaddarśanenāyamuktaṃ tyajati sa eva doṣo nigrahasthānamastu na hāniriti cet | na satastyāge tāvaddhāniriva nigrahasthānam asatastyāge 'pi tyāgenaiva pūrvadoṣasya parihṛtatvādiyameva nigrahasthānam | iyaṃ tu pratyuttarānupātinī taduttarakakṣyodbhāvyā | tatropekṣitānudbhāvayituṃ nigrahāpādikā satastyāge tu prativādino'saddoṣādbhāvanena niranuyojyānuyogāpātāt tadanudbhāvanenoktaṃ tyajataḥ paryanuyojyopekṣaṇasahacāriṇī hāniravaśyodbhāvyā ātmana ekanigrahāpatteḥ parasya dvayāpatteravaṣṭambhavijayāvahatvāt | vāde tu sadvānirudbhāvyā netaro | atra nirvāhyameva vadeduktaṃ ca nirvahediti rahasyam - [Previous: 4.2](https://indike.org/pramana/in.darsana.nyaya.prakarana.tarkikaraksa.4.2) - [Next: 4.3](https://indike.org/pramana/in.darsana.nyaya.prakarana.tarkikaraksa.4.3) - [Up: 4](https://indike.org/pramana/in.darsana.nyaya.prakarana.tarkikaraksa.4) ## Linked texts (1) - [Nyāyamañjarī](https://indike.org/pramana/in.darsana.nyaya.nyayamanjari.2.8.200) — Jayanta Bhaṭṭa, Sanskrit --- Source: [https://indike.org/pramana/in.darsana.nyaya.prakarana.tarkikaraksa.4.2-2](https://indike.org/pramana/in.darsana.nyaya.prakarana.tarkikaraksa.4.2-2) · Pramāṇa