[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Pure non-dualist Vedānta (Vallabha)](https://indike.org/pramana/in.darsana.suddhadvaita) › [Viṭṭhalanātha and his sons](https://indike.org/pramana/in.darsana.suddhadvaita.vitthala) › [Prabhanjana](https://indike.org/pramana/in.darsana.suddhadvaita.vitthala.prabhanjana) › 5.5.2 # Prabhanjana 5.5.2 Prabhañjana 5.5.2 - **Language:** Sanskrit ### [5.5.2](https://indike.org/pramana/in.darsana.suddhadvaita.vitthala.prabhanjana.5.5.2) ata eva brahmajñānāttannivṛttiḥ || sā cāvidyā na bhāvarūpājñānam kiṃ tu bhagavacchaktiviśeṣa eveti na tanmatapraveśaḥ || spaṣṭaṃ cedaṃ nibaṃdhādiṣu tacchaktyāvidyayālasajjīvasaṃsāraucyata ityādau || tathāpi piśācaḥ piśācabhāṣayeti nyāyādihottaram || kiṃca iṃdro māyābhirityādi || ayaṃ bhāvaḥ-yacca atraiva śāṃkarā iti mārtaṃḍaślokaṭīkāsthaṃ pāṭhaṃ bhittvā kiṃcidanūditaṃ tanna ṭīkākārābhipretapāṭhastu "pururūpa īyata iti maṃtraḥ māyājñānaṃ prati karaṇaṃ na tu brahmaṇo bahurūpatve" iti jñeyaḥ || tathā ca māyābhiriti karaṇasya kriyānvayitvameva yogyam || yadapi tanna tathetyādi agāyikatvamityantaṃ tadapi kuśakāśāvalambanam || tathāhi māyayā bahubhavane vivakṣitetu pūrvārddhaeva māyayeti vadet || na ca tathoktāvapi vidheyabhedena vākyabhedānivāraṇamiti śaṃkyam || māyayā bhavanasyaiva vidheyatvāt || atha māyāyāḥ karaṇatvena vidhānāt "dadhnā juhotī"tyādau dadhyāderiva vidheyatayā vākyabhedaprasaṅga iti cenna || ekahelayā bahūnāṃ vidhānasya vākyabhedaprasaṃjakatvāt yathā "somena yajete" tyatra somalatāguṇaviśiṣṭoyāgovidhīyate || yathāvā "udbhidā yajeta paśukāmaḥ" iti paśurūpaphalaviśiṣṭa udbhidyāgaḥ || yathāca "yadāgneyoṣṭākapālomāvāsyāyāṃ cauparṇamāsyāṃ cācyutobhavati" iti dravyadevatākālādikaṃ vākyāṃtareṇāprāptamekahelayā vidhīyate || evaṃ saguṇakarmotpattivākyaphalaguṇavākyādiṣu bahuvidhānaṃ draṣṭavyam || uktaṃca || prāptekarmaṇināneko vidhātuṃ śakyateguṇa. || aprāptetuvidhīyaṃte bahavoṇyekayalata iti || atastathoktau doṣābhāvānmāyayā bahubhavane'bhiprete tathaiva vadet || vadati - [Previous: 5.5.1](https://indike.org/pramana/in.darsana.suddhadvaita.vitthala.prabhanjana.5.5.1) - [Next: 5.5.3](https://indike.org/pramana/in.darsana.suddhadvaita.vitthala.prabhanjana.5.5.3) - [Up: 5.5](https://indike.org/pramana/in.darsana.suddhadvaita.vitthala.prabhanjana.5.5) --- Source: [https://indike.org/pramana/in.darsana.suddhadvaita.vitthala.prabhanjana.5.5.2](https://indike.org/pramana/in.darsana.suddhadvaita.vitthala.prabhanjana.5.5.2) · Pramāṇa