Aphorisms on Brahman 217
Vedāntapārijātasaurabha 217
- Language
- Sanskrit
217.1
[ve0pā0sau0] karaṇotpattiścintyate khādivadindriyāṇi jāyante|
217.2
(ve0pā0sau0) na ca “etasmādātmana ākāśaḥ sambhūtaḥ”ityādisṛṣṭiprakaraṇe karaṇotpattyaśravaṇāt karaṇotpattiśrutirgauṇīti vācyam| utpattiśrutibhūyastvādekavijñānena sarvavijñānapratijñāvirodhācca gauṇyasambhavāt |
217.3
(ve0pā0sau0) tasminvākye khādiṣu mukhyasya kriyāpadasyendriyeṣvapi śruterindriyodbhavo mukhyaḥ |
217.4
(ve0pā0sā0) prāṇāḥ khādivadutpadyante, vākprāṇamanasām “annamayaṃ hi saumya ! manaḥ āpomayaḥ prāṇastejomayī vāgi”tyanena tejo'bannapūrvakatvābhidhānāt |
217.5
(ve0pā0sau0) tāni saptaikādaśa veti ? saṃśaye, “prāṇamanūtkrāmantaṃ sarve prāṇā anūtkrāmantī”ti gatestatra saptānāmeva “na paśyati na jighrati na rasayate na vadati na śṛṇoti na manute na spṛśate” iti viśeṣitatvācca saptaivendriyāṇīti pūrvaḥ pakṣaḥ |
Linked texts (1)
- Brahmasūtra — Bādarāyaṇa, Sanskrit