<!-- Pramāṇa, a library of Indian primary sources · https://indike.org/pramana/in.darsana.vedanta.brahmasutra!ramanuja*complete.12.4-56 -->

[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Vedānta (Uttaramīmāṃsā)](https://indike.org/pramana/in.darsana.vedanta) › [Brahmasūtra](https://indike.org/pramana/in.darsana.vedanta.brahmasutra) › [Śrībhāṣya](https://indike.org/pramana/in.darsana.vedanta.brahmasutra!ramanuja) › [Sribhashyam](https://indike.org/pramana/in.darsana.vedanta.brahmasutra!ramanuja*complete) › 12.4-56

# Shribhashya 12.4-56

Śrībhāṣya (complete text) 12.4-56

- **Language:** Sanskrit

### [12.4-56](https://indike.org/pramana/in.darsana.vedanta.brahmasutra!ramanuja*complete.12.4-56)

20  
vāśabdo'vadhāraṇārthaḥ | vidhirevāyamāśramāṇām; dhāraṇavat; yathā diṣṭāgnihotre "adhastātsamidhaṃ dhārayannanu-dravedupari hi devebhyo dhārayati’ ityatrānuvādasarūpādapi vākyādupari dhāraṇasyāprāptatvadvidhirāśrīyate; taduktaṃ śeṣalakṣaṇe "vidhistu dhāraṇe'pūrvatvāt’ iti; tathā atrāpyaprāptatvādvidhirevāśrayaṇīyaḥ "brahmacaryaṃ samāpya gṛhī bhaved gṛhād vanī bhūtvā pravrajet yadi vetarathā brahmacaryādeva pravrajet gṛhādvā vanādvā yadahareva virajet tadahareva pravrajet’ iti jāvālānāmāśramavidhimasantamiva kṛtvā eteṣvanyapareṣvapi vākyeṣvāśrayamaprāpti-ravaśyāśrayaṇīyetyupapāditam | evamāśramāntaravidhānādṛṇaśrutiryāvajjīvaśrutirapavādaśrutiścāviraktaviṣayā eveti veditavyāḥ | anyāśca brahmavidaḥ karmaṇāmāprayāṇādavaśyakartavyatāvidhāyinyaḥ śrutayaḥ smṛtayaśca svasvāśramadharmaviṣayāḥ | ata ūdhvarretassu ca brahmavidyāvidhānādvidyāta puruṣārtha iti siddham || 20 ||  
|| puruṣārthādhikaraṇaṃ samāptam ||

- [Previous: 12.4-55](https://indike.org/pramana/in.darsana.vedanta.brahmasutra!ramanuja*complete.12.4-55)
- [Next: 12.4-57](https://indike.org/pramana/in.darsana.vedanta.brahmasutra!ramanuja*complete.12.4-57)
- [Up: 12](https://indike.org/pramana/in.darsana.vedanta.brahmasutra!ramanuja*complete.12)

---
Source: [https://indike.org/pramana/in.darsana.vedanta.brahmasutra!ramanuja*complete.12.4-56](https://indike.org/pramana/in.darsana.vedanta.brahmasutra!ramanuja*complete.12.4-56) · Pramāṇa