<!-- Pramāṇa, a library of Indian primary sources · https://indike.org/pramana/in.darsana.vedanta.brahmasutra!sankara!bhamati*textonly.134 -->

[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Vedānta (Uttaramīmāṃsā)](https://indike.org/pramana/in.darsana.vedanta) › [Brahmasūtra](https://indike.org/pramana/in.darsana.vedanta.brahmasutra) › [Brahmasūtrabhāṣya (Śārīrakamīmāṃsābhāṣya)](https://indike.org/pramana/in.darsana.vedanta.brahmasutra!sankara) › [Bhāmatī](https://indike.org/pramana/in.darsana.vedanta.brahmasutra!sankara!bhamati) › [Bhamati, text without the sutras (Sansknet input)](https://indike.org/pramana/in.darsana.vedanta.brahmasutra!sankara!bhamati*textonly) › 134

# Bhamati 134

Bhāmatī, text without the sūtras (Sansknet input) 134

- **Language:** Sanskrit

### [134](https://indike.org/pramana/in.darsana.vedanta.brahmasutra!sankara!bhamati*textonly.134)

evaṃ ca ananuṣṭhitakarmāpi prāgbhavīyakarmavaśāt yo viśuddhasattvaḥ saṃsārāsāratādarśanena niṣpannavairāgyaḥ, kṛtaṃ tasya karmānuṣṭhānena vairāgyotpādopayoginā, prāgbhavīyakarmānuṣṭhānādeva tatsiddheḥ /  
iyameva ca puruṣadhaureyabhedamadhikṛtya pravavṛte śrutiḥ- 'yadi vetarathā brahmacaryādeva pravrajet' iti /  
tadidamuktam, karmāvabodhāt, prāgapyadhītavedāntasya brahmajijñāsopapatteriti /  
ata eva na brahmacāriṇa ṛṇāni santi yena tadapākaraṇārthaṃ karmānutiṣṭhet /  
etadanurodhācca 'jāyamāno vai brāhmaṇastribhirṛṇavā jāyate' iti gṛhasthaḥ saṃpadyamāna iti vyākhyeyam /  
anyathā 'yadi vetarathā brahmacaryādeva' iti śrutirvirudhyeta /  
gṛhasthasyāpi ca ṛṇāpākaraṇaṃ sattvaśuddhyarthameva /  
jarāmaryavādo bhasmāntatāvādo 'ntyeṣṭayaśca karmajaḍānaviduṣaḥ prati, na tvātmatattvavidaḥ paṇḍitān /  
tasmāttasyānantaryamatha-śabdārthaḥ yadvinā brahmajijñāsā na bhavati yasmiṃstu sati bhavantī bhavatyeva /  
na cetthaṃ karmāvabodhaḥ /  
tasmānna karmāvabodhānantaryamātrāthaśabdārtha iti sarvamavadātam /

- [Previous: 133](https://indike.org/pramana/in.darsana.vedanta.brahmasutra!sankara!bhamati*textonly.133)
- [Next: 135](https://indike.org/pramana/in.darsana.vedanta.brahmasutra!sankara!bhamati*textonly.135)

---
Source: [https://indike.org/pramana/in.darsana.vedanta.brahmasutra!sankara!bhamati*textonly.134](https://indike.org/pramana/in.darsana.vedanta.brahmasutra!sankara!bhamati*textonly.134) · Pramāṇa