[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Qualified non-dualist Vedānta](https://indike.org/pramana/in.darsana.visistadvaita) › [Virodhanirodha](https://indike.org/pramana/in.darsana.visistadvaita.virodhanirodha) › 3.p14 # Virodhanirodha 3.p14 Virodhanirodha 3.p14 - **Language:** Sanskrit ### [3.p14](https://indike.org/pramana/in.darsana.visistadvaita.virodhanirodha.3.p14) etena śarīradvārakaṃ tadāśrayaṇamapi nirastam | tadīyaśarīrasyāpyapratyakṣatvāt niṣedhasyāpi śarīradvārakatvācca aśarīratvaśrutiviroghena śarīrāsaṃbhavācceti cet-ucyate ; nirguṇaśrutau tāvat na guṇasāmānyaniṣedhaḥ | śrutipramitānāmānandādiguṇānāṃ sarvātmanā śrutyā niṣedhe tadaprāmāṇyaprasagāt na syāt iti ādau vihitavyatiriktaviṣayatā niṣedhasyāvadhāritā | tadihāpi jñānānandādivyatiriktaviṣayo'ya niṣedhaḥ || nanvevamapi rūpādiniṣedhakatva syādeveti cenna ; ‘sarvakarmā sarvagandhassarvarasaḥ sarvamidamabhyātto'vākyanādaraḥ | tasya etasya rūpa yathā mahārajana vāsaḥ yathā pāṇḍvāvika yathendrago paḥ’ ityādiśrutibhiḥ ‘nānāvarṇākṛtīni ca’ ityādismṛtibhiśca rūpādī nāmapi pramitatvāt | atośakyanumityādiniṣedhaḥ tadvyatiriktaviṣayo varṇanīyaḥ | nacātra grahaṇāgrahaṇayoriva vikalpaḥ kalpyate | vastuno dvairū pyayogāt | ataḥ prākṛtarūpādiviṣayako niṣedhaḥ | aprākṛtarūpādiviṣayakaśca vidhiḥ | eva śarīravidhiniṣedhayorapi boddhavyam || tataśca prākṛtā prākṛtaviṣayatvena vidhiniṣedhayoḥ hiṃsāvidhiniṣedhayoriva na bādhyabādhakabhāvaḥ tathā ca śrīmadbhāṣyam— 'svānurūpaikarūpācintyādivyādbhuta nityaniravadyaniratiśayaujvalyasaundaryasaugandhyasaukumāryalāvaṇyayauvanādyanantakalyāṇaguṇanidhidivyarūpamapi svābhāvikamastī'ti | śrutiśca—' hiraṇmayaśmaśrurhiraṇyakeśaḥ āpraṇakhāt sarva eva suvarṇaḥ | tasya yathā kapyāsaṃ puṇḍarīkamevamakṣiṇī' iti smṛtiśca—' praśāsitāraṃ sarveṣāmaṇīyāṃsamaṇīyasām | rukmābhaṃ svapnadhīgamya vidyāttu puruṣaṃ param ||' iti | etacca bhagavadvigrahādika śuddhasatvātmakanitya vibhūtimayamiti vyaktam | prācīnagrantheṣu etaccāprākṛtamapi bhagavadvigrahā dika bhagavatsakalpādhīnatvādāgantukamanāgantuka ceti dvividham | āgantu ka bhūbhārāpaharaṇārthaṃ kṛta rāmakṛṣṇādisāṅkiṅgam nityavibhūti vikāratvādinatyaṃ anāgantukatu svābhāvika nityaṃ bhagavannityecchāyattatvāt || tathā'pi rūpādimadeva | nahyayamastīti niyamaḥ yata rūpādimattadanityamiti vā ? anityamapi sarvaṃ rūpādimadevetivā ? nityānityavibhāgasya pramāṇāstarāyattatvāt - [Previous: 3.p13](https://indike.org/pramana/in.darsana.visistadvaita.virodhanirodha.3.p13) - [Next: 3.p15](https://indike.org/pramana/in.darsana.visistadvaita.virodhanirodha.3.p15) - [Up: 3](https://indike.org/pramana/in.darsana.visistadvaita.virodhanirodha.3) --- Source: [https://indike.org/pramana/in.darsana.visistadvaita.virodhanirodha.3.p14](https://indike.org/pramana/in.darsana.visistadvaita.virodhanirodha.3.p14) · Pramāṇa