[Pramāṇa](https://indike.org/pramana/) › [Indian literature](https://indike.org/pramana/in) › [Philosophy](https://indike.org/pramana/in.darsana) › [Yoga philosophy](https://indike.org/pramana/in.darsana.yoga) › [Yogasūtra](https://indike.org/pramana/in.darsana.yoga.yogasutra) › [Yogabhāṣya (Pātañjalayogaśāstravivaraṇa)](https://indike.org/pramana/in.darsana.yoga.yogasutra!vyasa) › [Tattvavaisharadi](https://indike.org/pramana/in.darsana.yoga.yogasutra!vyasa!vacaspati) › 4.25 # Yogabhashya (Patanjalayogashastravivarana) 4.25 Tattvavaiśāradī 4.25 - **Language:** Sanskrit ### [4.25.1](https://indike.org/pramana/in.darsana.yoga.yogasutra!vyasa!vacaspati.4.25.1) viśeṣadarśina ātmabhāvabhāvanānivṛttiḥ //4.25// ### [4.25.2](https://indike.org/pramana/in.darsana.yoga.yogasutra!vyasa!vacaspati.4.25.2) tad evaṃ kaivalyamūlabījaṃ yuktimayam ātmadarśanam uktvā tadupadeśādhikṛtaṃ puruṣam anadhikṛtapuruṣāntarād vyāvṛttam āha --- viśeṣadarśina ātmabhāvabhāvanānivṛttiḥ/ yasyātmabhāve bhāvanāsti tasyāṣṭāṅgayogopadeśād anutiṣṭhato yuñjānasya tatparipākāc cittasattvapuruṣayor viśeṣadarśanād ātmabhāvabhāvanā nivartate/ yasyātmabhāvabhāvanaiva nāsti nāstikasya tasyopadeśānadhikṛtasyāpariniścitātmatatparalokabhāvasya nopadeśo na viśeṣadarśanaṃ nātmabhāvabhāvanānivṛttir iti sūtrārthaḥ/ nanv ātmabhāvabhāvanāyāś cittavartinyāḥ kuto+avagama ity ata āha --- yathā prāvṛṣīti/ prāgbhavīyaṃ tattvadarśanabījam apavargabhāgīyaṃ yat karmāṣṭāṅgayogānuṣṭhānaṃ tad ekadeśānuṣṭhānaṃ vā tadabhinirvartitam astīty anumīyate/ tasya cātmabhāvabhāvanāvaśyam eva svābhāvikī vastvabhyāsaṃ vināpi pravartate/ anadhikāriṇam āgamināṃ vacanena darśayati --- yasyābhāvād idam iti/ pūrvapakṣo nāsti karmaphalaṃ paralokino 'bhāvāt paralokābhāva iti, tatra rucir aruciś ca nirṇaye pañcaviṃśatitattvaviṣaye/ ātmabhāvabhāvanā prāg vyākhyātā/ viśeṣadarśinaḥ parāmarśam āha --- cittasyaiveti/ tasya (asya) viśeṣadarśanakuśalasyātmabhāvabhāvanā nivartata iti //4.25// ## Linked texts (2) - [Yogabhāṣya (Pātañjalayogaśāstravivaraṇa)](https://indike.org/pramana/in.darsana.yoga.yogasutra!vyasa.4.25) — Vyāsa & Patañjali (author of the Yogasūtra), Sanskrit - [Bārhaspatyasūtra (fragments)](https://indike.org/pramana/in.darsana.nastika.carvaka.brhaspatisutra*fragments.1.8) — Sanskrit --- Source: [https://indike.org/pramana/in.darsana.yoga.yogasutra!vyasa!vacaspati.4.25](https://indike.org/pramana/in.darsana.yoga.yogasutra!vyasa!vacaspati.4.25) · Pramāṇa