<!-- Pramāṇa, a library of Indian primary sources · https://indike.org/pramana/in.jaina.anuyoga.phil.nyaya.pramana.utpadasiddhi.11.1.11 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Means of knowledge](https://indike.org/pramana/in.jaina.anuyoga.phil.nyaya.pramana) › [Utpadasiddhi](https://indike.org/pramana/in.jaina.anuyoga.phil.nyaya.pramana.utpadasiddhi) › 11.1.11

# Utpadasiddhi 11.1.11

Utpādasiddhi 11.1.11

- **Language:** Sanskrit

### [11.1.11](https://indike.org/pramana/in.jaina.anuyoga.phil.nyaya.pramana.utpadasiddhi.11.1.11)

prāpnoti, nityasya cotpattiranupapanneti, atrottaram-utpannasya kāraṇopapatterapratiṣedhaḥ, prāgutpatteranityatvakāraṇaṃ kāryatvaṃ nāstīti bruvatotpannasyānityatvasādhakaṃ kāraṇaṃ kāryatvaṃ ca śabdasyābhyupagataṃ bhavatīti, vaidharmyātsādhyasiddhau kriyamāṇāyāṃ sādharmyātsaṃśayena pratyavasthānaṃ saṃśayasamā jātiḥ, nidarśanaṃ tu-yadi nitya ākāśavaidharmyabhūta (d ghaṭe) kṛtakatvādanityatvanirṇayaḥ śabde tarhi nityatvānityatvasādhamryātprameyatvādeḥ saṃśayo'pi syāt, atha saṃśayakāraṇe satyapi saṃśayo neṣyate tarhi nirṇayakāraṇe satyapi nirṇayo mā bhūt, viśeṣābhāvāt, atra pratisamādhiḥ-dṛṣṭatvādadoṣaḥ, tathāhi-ūrdhvatvasādharmyadarśanātsaṃśayaṃ vibādhya nirṇayaḥ samupajāyate iti dṛṣṭaṃ, dṛṣṭaṃ cāpalapannayaṃ na laukiko nāpi parīkṣaka ityupekṣāmahīti, pratyanumānena pratyavasthāṃnaṃ prakaraṇasamā jātiḥ, nidarśanaṃ-anityaḥ śabdaḥ kṛtakatvād ghaṭavat ityukte para āha-nityaḥ śabdaḥ śrāvaṇatvāt śabdatvavat, tadetadasasamuttaraṃ, prāktanahetorvyāpteranirmūlanāt, sādharmyavaidharmyābhyāṃ prakaraṇasamā jātiḥ kathaṃ bhidyate iti cet, ucyate, tatra hi prayogamakṛtvaiva sādharmyavaidharmyābhyāṃ pratyavasthānaṃ, iha tu prayogaṃ kṛtvetyevamuktibhedopapattiriti, traikālyāsiddherhetorahetutvena pratyavasthānamahetusamā jātiḥ, udāharaṇaṃ-sādhanopanyāsānantaraṃ

- [Previous: 11.1.10](https://indike.org/pramana/in.jaina.anuyoga.phil.nyaya.pramana.utpadasiddhi.11.1.10)
- [Next: 11.1.12](https://indike.org/pramana/in.jaina.anuyoga.phil.nyaya.pramana.utpadasiddhi.11.1.12)
- [Up: 11.1](https://indike.org/pramana/in.jaina.anuyoga.phil.nyaya.pramana.utpadasiddhi.11.1)

## Linked texts (6)

- [Nyāyamañjarī](https://indike.org/pramana/in.darsana.nyaya.nyayamanjari.2.8.70) — Jayanta Bhaṭṭa, Sanskrit
- [Tattvasaṅgraha (ed. Krishnamacharya)](https://indike.org/pramana/in.bauddha.sanskrit.darsana.pramana.tattvasamgraha*krishnamacharya.2.3.26.1) — Sanskrit
- [Text of the Tokyo Indology Student Team](https://indike.org/pramana/in.darsana.nyaya.nyayasutra!vatsyayana*tokyo.474.3) — Sanskrit
- [Ratnakīrtinibandhāvalī](https://indike.org/pramana/in.bauddha.sanskrit.darsana.pramana.nibandhavali-ratnakirti.66) — Ratnakīrti, Sanskrit
- [Nyāyasūtra](https://indike.org/pramana/in.darsana.nyaya.nyayasutra.5.1.13) — Akṣapāda Gautama, Sanskrit
- [Nyāyasāra](https://indike.org/pramana/in.darsana.nyaya.prakarana.nyayasara.2.p60) — Bhāsarvajña, Sanskrit

---
Source: [https://indike.org/pramana/in.jaina.anuyoga.phil.nyaya.pramana.utpadasiddhi.11.1.11](https://indike.org/pramana/in.jaina.anuyoga.phil.nyaya.pramana.utpadasiddhi.11.1.11) · Pramāṇa